Оформите заявку на сайте, мы свяжемся с вами в ближайшее
время и ответим на все интересующие вопросы.
Қазстандарт жыл басында стандарттаушылар мен метрологтардың өскелең ұрпақтарының білімін арттырудың маңызды мәселесін шешуді атап өтті.
2021 жылдың 6 қаңтарында «Қазстандарт» Бас директорының орынбасары Жанат Бегайдаров Л. Н. Гумилев атындағы ЕҰУ «Стандарттау, сертификаттау және метрология» кафедрасының оқытушылар құрамымен кездесті.
Кездесу барысында тараптар ЕҰУ профильдік факультеттерінде метрология және стандарттау саласын зерттейтін студенттерге арналған оқу бағдарламаларын қайта қарау қажеттілігін талқылады.
Қатысушылар студенттердің кәсіби оқытудан бастап тәжірибе алуы керек деген бірауызды пікірде болды. Осыған байланысты Қазстандарт зертханалары базасында ЕҰУ студенттерінің диплом алдындағы практикадан өту мүмкіндігі, сондай-ақ университет оқытушыларының тағылымдамадан өту және біліктілігін арттыру мүмкіндігі, олардың профильдік техникалық комитеттердің жұмысына қатысуын ұйымдастыру туралы мәселе қаралды.
Өткізілген кеңес қорытындысы бойынша Қазстандарт пен ЕҰУ арасындағы байланысты нығайту, оқу жоспарларын бірлесіп әзірлеу, студенттердің Қазстандарт базасында практикадан өтуі, одан әрі жұмысқа орналасу мүмкіндігін қарастыра отырып, студенттердің кәсіби сауаттылығын арттыру бөлігі бойынша шешім қабылданды.