Хабиев Нурбек Ермекович

1986 жылы 17 маусымда Ақмола облысы Бурабай ауданында дүниеге келген.
• «Болашақ» халықаралық бағдарламасының түлегі.
• Өлшем құралдарын салыстырып тексеруші біліктілігі бар.

БІЛІМІ:

• 2008 жылы Ш. Уәлиханов атындағы КМУ «Стандарттау, метрология және сертификаттау» мамандығы бойынша (бакалавриат) бітірген.

• 2017 жылы Гуманитарлық-техникалық академияда «Экономика» мамандығы бойынша магистр дәрежесін алды.

• 2020 жылы «Болашақ» халықаралық бағдарламасы бойынша К.А. Тимирязев атындағы РМАУ-МАША магистратурасын (Мәскеу қ., РФ) «Стандарттау және метрология» мамандығы бойынша үздік бітірді.

ЖҰМЫС ТӘЖІРИБЕСІ:

Еңбек жолын 2008 жылдың қыркүйегінде ҚР ДСМ СЭҚК Ақмола облыстық санитариялық-эпидемиологиялық сараптама орталығында бастады, онда метрология, стандарттау және вакциналармен қамтамасыз ету бөлімінің лаборанты, кейіннен инженер-метролог болып жұмыс істеді.

2011 жылы осы орталықтың метрология және стандарттау бөлімін басқарды.

2012 жылдан 2013 жылға дейін «Ұлттық сараптама және сертификаттау орталығы» АҚ Ақмола филиалында салыстырып тексеру 
және метрологиялық өлшемдер бөлімінің маманы (салыстырып тексеруші) лауазымында еңбек етті.

2013 жылдың аяғынан бастап ҚР АШМ ВБжК Республикалық ветеринариялық зертханасына ауысып, онда метрология қызметінің бас менеджерінен бастап 
бас сарапшы-менеджерге, содан кейін метрологиялық қызметтің басшысына дейінгі еңбек жолынан өтті. Ұйымда 2013 жылдан 2022 жылға дейін барлығы 9 жылға жуық еңбек етті.

2022 жылғы 1 қарашадан 2025 жылғы қыркүйекке дейін Техникалық реттеу және метрология комитетінің Ақмола облысы бойынша мемлекеттік бақылау және қадағалау жөніндегі бас мемлекеттік инспекторы — Департамент басшысы лауазымын атқарды.

2025 жылдың қыркүйегінде «ҚазСтандарт» РМК бас директорының орынбасары болып тағайындалды.