Раззаренов Александр Александрович

ӨМІРБАЯНЫ

* 1984 жылы 1 қыркүйекте Қазақ КСР, Целиноград қаласында дүниеге келген.
* Некеде тұрады, бір балалы.

БІЛІМІ:

• 2006 жылы С.Сейфуллин атындағы Қазақ мемлекеттік агротехникалық университетінің Ветеринария факультетін бітірген.
• 2012 жылы Қазтұтынуодағы Қарағанды экономикалық университетінен экономика бакалавры дипломын алды.
• 2018 жылы Қазақ ұлттық аграрлық университетінің магистратурасында оқуын аяқтап, техника және технология магистрі дәрежесін алды.

ЖҰМЫС ТӘЖІРИБЕСІ:

Еңбек жолын 2007 жылдың наурыз айында Солтүстік-Батыс өңірлік әуе көлігіндегі санитариялық-эпидемиологиялық сараптама орталығында бастады, мұнда санитариялық-гигиеналық зертханада техник-дозиметрист болып жұмыс істеді.

2008 жылдың тамызынан бастап Қазақстан Республикасы Ауыл шаруашылығы министрлігінде жұмысын жалғастырды, онда Ветеринариялық бақылау және қадағалау комитетінің түрлі басқармаларында сарапшы, содан кейін бас сарапшы лауазымдарын атқарды. Ауыл шаруашылығы министрлігінің жүйесінде жұмыс істеген уақытында Тәуекелді бағалау және тамақ қауіпсіздігін қамтамасыз ету басқармасының сарапшысынан бастап Тамақ өнімдері мен орны ауыстырылатын объектілердің қауіпсіздігі басқармасының басшысына дейінгі (2008-2018 жылдар) жолдан өтті.

2018-2020 жылдар аралығында Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Ұлттық сараптама орталығының тамақтану гигиенасы саласындағы стандарттау және техникалық реттеу жөніндегі штаттан тыс сарапшысы болды.

2020 жылдан бастап кәсіби қызметін Қазақстан стандарттау және метрология институтымен байланыстырды, онда Талдау және жүйелеу орталығы басшысының орынбасары, ДСҰ-ның СТК/СФС шаралары жөніндегі ақпарат орталығының басшысы, Техникалық реттеу жөніндегі үйлестіру орталығы басшысының орынбасары және кейіннен басшысы басшылық лауазымдарын атқарды.

2025 жылдың шілдесінде «ҚазСтандарт» РМК бас директорының орынбасары болып тағайындалды.

МАРАПАТТАР МЕН ЖЕТІСТІКТЕР:

• Қазақстан Республикасы Президентінің Құрмет грамотасы;
• Қазақстан Республикасы Премьер-Министрінің және Қазақстан Республикасы Ауыл шаруашылығы министрінің алғыс хаттары;
• III дәрежелі «Еуразиялық экономикалық одақ құруға қосқан үлесі үшін» медалі.