Оформите заявку на сайте, мы свяжемся с вами в ближайшее
время и ответим на все интересующие вопросы.
2019 жылдың 5 қарашасында Мекке қаласында (Сауд Арабиясы) SMIIC Ислам елдерінің стандарттар және метрология институтының Бас Ассамблеясының отырысы өтті. Отырысқа SMIIC толық құқылы мүшелерінің 30-дан астам елі, сондай-ақ 10-нан астам ел мен бақылаушылар ұйымдары қатысты.
Отырыста SMIIC-тің стратегиялық, қаржылық және техникалық мәселелері қаралды, ұйым қызметінің шеңберінде жыл қорытындысы шығарылды, сондай-ақ Кувейт, Индонезия және Ресей Федерациясын SMIIC құрамына қабылдау туралы шешім қабылданды, 2020 жылғы 3 қарашада Медина қаласында (Сауд Арабиясы) келесі Бас Ассамблеяны өткізу бекітілді.
Қазіргі уақытта ислам әлемінің басты назары Халал сапасының бірыңғай халықаралық инфрақұрылымын құруға бағытталған.
SMIIC шеңберінде Стандарттау бойынша 15 техникалық комитет жұмыс істейді, оның 5-і Халал стандарттарын әзірлеумен тікелей байланысты. Бүгінгі күні 4 стандарт жұмыс істейді және Халал саласында 15 SMIIC стандарттары әзірленуде.
Естеріңізге сала кетейік, бүгінде Халал сертификаттаудың бірыңғай жүйесін құру аясында SMIIC қауымдастығы 2 топқа бөлінген. Бірінші топ ислам елдерінің сәйкестікті растау жөніндегі органдарына ғана сертификаттауды жүргізуге және сәйкестік сертификаттарын беруге рұқсат етуді қалайды. Екінші топ Халал сертификаттау жұмыстарын жүргізу үшін мұсылмандық емес мемлекеттердің СРО-ын аккредиттеуге рұқсат беру қажет деп санайды. Бұл мәселе әлі күнге дейін ашық күйінде қалып отыр.
Сондай-ақ, іс-шара аясында ISIRI Иранның стандарттау жөніндегі Ұлттық органының өкілдерімен жұмыс кездесуі өтті, онда Қазақстандық стандарттау институты мен ISIRI арасындағы ынтымақтастықтың кейбір ережелерін жеңілдету туралы келісімге қол жеткізілді, бұл Келісімге қол қою процесін жеделдетуге мүмкіндік береді.
Қазақстанның стандарттау жөніндегі Ұлттық органы мен GSO Парсы шығанағы араб мемлекеттерінің ынтымақтастық кеңесінің стандарттау жөніндегі органы арасында ынтымақтасу ниеті туралы құжатқа қол қойылды, бұл Қазақстан мен Парсы шығанағы елдері арасындағы стандарттау саласындағы өзара іс-қимылды нығайтудың алғашқы қадамы болып табылады.
Бұдан басқа, 6-7 қарашада Қазақстан мен Шығанақ елдері арасындағы экспорт/импортты стандарттау және дамыту саласындағы өзара ынтымақтастық мәселелері бойынша GSO сарапшыларымен жұмыс кездесулері өткізілді. GSO өкілдері араб аймағы елдерінің Техникалық реттеу, стандарттау және сәйкестігін бағалау жүйесі туралы ақпаратты ұсынды және GSO стандарттарын Қазақстан аумағында Ұлттық ретінде қолдану немесе қабылдау қажет болған жағдайда GSO ынтымақтастыққа толық дайын және GSO өңірлік стандарттарының мәтіндеріне қол жеткізуді ұсынатынын атап өтті.
