Кәсіпорындар мен өнеркәсіп мамандарының кәсіби білім деңгейін көтеру және арттыру мақсатында жыл сайын осы тақырыпта семинар еліміздің барлық аймақтарында өткізіледі.
Дәріс материалдарын саланың басым салаларының жетекші мамандары, техникалық реттеу, метрология және менеджмент жүйелерінің сарапшы-аудиторлары ұсынды. Бұл іс шараға оқытушы ретінде «Қазақстан стандарттау және сертификаттау институты" РМК бас директордың орынбасары Е.М. Әмірханова қатысты.
Жоспарланған семинар аясында тыңдаушыларға өзекті тақырыптар ұсынылды:
- стандарттау , оның ішінде мемлекеттік сатып алуда практикалық қолдану мәселелері;
- ұлттық заңнама саласындағы, оның ішінде басқару жүйелеріндегі сәйкестікті растау;
- метрология, өлшем бірлігін қамтамасыз ету бойынша нормативтік құқықтық актілерді практикалық қолдану;
- техникалық реттеу саласындағы мемлекеттік бақылау және қадағалау, өлшем бірлігін қамтамасыз ету, сәйкестікті бағалау саласындағы аккредиттеу;
- экспорттың басым елдеріндегі техникалық реттеу және өнімнің Қытай , Иран, Түркия, Біріккен Араб Әмірліктері және Германия нарықтарына қол жеткізу шарттары.
Сондай -ақ , іс-шараға қатысушыларға химиялық өнеркәсіп және құрылыс материалдары саласындағы техникалық реттеу және стандарттау туралы заңнаманың талаптары түсіндіріледі.
Осы семинарда тыңдаушыларға ұсынылған жаңа және қызықты тақырыптардың бірі мемлекеттік сатып алулар, заңнамалық актілерді іс жүзінде қолдану, сатып алынатын өнімдерге, көрсетілетін қызметтерге ұлттық стандартты таңдау және техникалық ерекшеліктерді қалыптастыру мәселелеріне қатысты болды.
Семинар барысында тыңдаушылар өздерін қызықтырған сұрақтарға толық жауаптар алып, техникалық реттеу және стандарттау жүйесін жетілдіру бойынша ұсыныстарында берді.
Біліктілік деңгейін арттыру мақсатында оқуға Қарағанды қаласынан және де Қарағанды облысынан 80 қатысушылар қатысты, қатысушылардың арасында мемлекеттік органдардан, жоғарғы оқу орындарынан, сәйкестікті растау жөніндегі органдардан, сынақ зертханаларынан, бірлестіктерден, техникалық комитеттердің және қала кәсіпорындарының өкілдері қатысты, семинарға қатысқан барлық қатысушыларға сертификаттар берілді.
