29 Мамыр 2026
29 мамырда Қазақстан астанасында Қазақстан Республикасы Сауда және интеграция министрлігі Техникалық реттеу және метрология комитетінің Төрағасы Жанна Есенбекованың Беларусь Республикасының Мемлекеттік стандарттау жөніндегі комитетінің Төрағасы Елена Моргуновамен екіжақты кездесуі өтті.
Кездесу барысында тараптар стандарттау, метрология және сәйкестікті бағалау саласындағы екіжақты ынтымақтастықтың өзекті мәселелерін, оның ішінде МАК каталогтау жөніндегі жұмыс тобының шеңберінде тауарларды жіктеу мәселелері бойынша өзара іс-қимылды, сондай-ақ жеке тұлғалардың даракөлік құралдарын әкелу мәселелері бойынша Беларусь Республикасының тәжірибесімен алмасу туралы талқылады.
Метрология саласындағы ынтымақтастықты дамытуға, мамандарды кәсіби даярлау, бейінді ұйымдар арасында тәжірибе алмасу және басым қызмет бағыттары бойынша өзара іс-қимылды кеңейту мәселелеріне ерекше назар аударылды.
Бұдан басқа «Беларусь мемлекеттік метрология институты»республикалық унитарлық кәсіпорны (БелГИМ) мен Қазақстан Республикасы Сауда және интеграция министрлігі Техникалық реттеу және метрология комитетінің «ҚазСтандарт» РМК арасында өлшем бірлігін қамтамасыз ету саласындағы ынтымақтастық туралы келісімге қол қойылды.
Кездесу қорытындылары бойынша тараптар серіктестік қатынастарды бұдан әрі нығайтуға, кәсіби өзара іс-қимылды дамытуға және техникалық реттеу, стандарттау және метрология саласындағы ынтымақтастықты кеңейтуге мүдделілігін растады.
