22 Мамыр 2026
РМК «ҚазСтандарт» алаңында жасанды интеллект саласындағы жаңа ұлттық стандарттарға арналған онлайн дөңгелек үстел өтті. Қатысушылар 2026 жылғы 1 қаңтардан бастап қолданысқа енгізілген құжаттарды қолдану мәселелерін талқылады.
Іс-шараға мемлекеттік органдардың, әкімдіктердің, салалық қауымдастықтардың, кәсіпорындардың және өзге де мүдделі ұйымдардың өкілдері қатысты.
2025 жылы ҚазСтандарт ақпараттық технологиялар және жасанды интеллект саласында Қазақстан Республикасының бірқатар ұлттық стандарттарын әзірледі. Олардың қатарында СТ РК ISO/IEC 5338-2025 «Ақпараттық технологиялар. Жасанды интеллект. Жасанды интеллект жүйелерінің өмірлік цикл процестері», СТ РК ISO/IEC 5392-2025 «Ақпараттық технологиялар. Жасанды интеллект. Білім инженериясының эталондық архитектурасы», СТ РК 4010-2025 «Ақпараттық технологиялар. Жасанды интеллект. Жасанды интеллект ұғымдары мен терминологиясы», СТ РК ISO/IEC 23894-2025 «Ақпараттық технологиялар. Жасанды интеллект. Тәуекелдерді басқару жөніндегі нұсқаулық», СТ РК ISO/IEC 24668-2025 «Ақпараттық технологиялар. Жасанды интеллект. Үлкен деректерді талдау процестерін басқару құрылымы», СТ РК ISO/IEC 42001-2025 «Ақпараттық технологиялар. Жасанды интеллект. Менеджмент жүйесі» және СТ РК ISO/IEC 5339-2025 «Ақпараттық технологиялар. Жасанды интеллект. Жасанды интеллект қосымшаларына арналған нұсқаулық» бар.
Жаңа құжаттар Қазақстан Республикасы Үкіметінің 2024 жылғы 24 шілдедегі №592 қаулысымен бекітілген 2024–2029 жылдарға арналған Жасанды интеллектті дамыту тұжырымдамасын іске асыру шеңберінде әзірленді.
Стандарттар жасанды интеллектті дамытудың негізгі бағыттарын қамтиды. Олар терминология мен жүйелер архитектурасынан бастап тәуекелдерді басқару және үлкен деректерді талдау мәселелеріне дейінгі бағыттарды реттейді.
Дөңгелек үстел ашық диалог форматында өтті. Қатысушылар стандарттарды тәжірибеде қолдану мәселелерін талқылап, өзекті сұрақтар бойынша сарапшылардың түсіндірмелерін алды.