4 Наурыз 2026
«ҚазСтандарт» РМК Алматы қаласы және Алматы облысы бойынша филиалы «Process Automation» ЖШС компаниясының мамандары үшін өз қызметінің презентациясын өткізді.
Кездесу 26 ақпанда өтті және метрология мен техникалық реттеу саласындағы ынтымақтастық мүмкіндіктеріне арналды. Іс-шараға филиал директорының орынбасары М. Сағымбеков және жетекші маман М. Әмірбекова қатысты. Компания тарапынан директор Ю. Юнатанов пен инженер-метрологтар болды.
«Process Automation» ЖШС технологиялық процестерді автоматтандырумен айналысады. Компания бақылау және өлшемдер саласында шешімдер әзірлейді, сонымен қатар өзіндік өлшеу және бақылау жабдықтарын өндіреді. 2020 жылдан бастап кәсіпорын өз өндірісін белсенді дамытып келеді, бұл оның нарықта отандық өндіруші ретінде орнығуына мүмкіндік берді.
Компания технологиялық процестерді автоматтандыруға арналған өлшеу және бақылау жабдықтарын, химия, мұнай-газ және энергетика салаларына арналған электртехникалық жабдықтарды, сондай-ақ өндірістік процестердің мониторингінеарналған бақылау-өлшеу аспаптарын шығарады және жеткізеді. Бүгінгі таңда кәсіпорын Қазақстанның мұнай-газ саласы үшін жабдықтарды сенімді жеткізушілердің бірі болып саналады.
Презентация барысында ҚазСтандарт өкілдері институт жұмысының негізгі бағыттары мен бизнес үшін қолжетімді көрсетілетін қызметтер туралы айтып берді.
Атап айтқанда, өлшем құралдарының типі мен партиясын бекіту, аспаптардың бекітілген типке сәйкестігіне сынақтар жүргізу және метрологиялық аттестаттау мәселелері талқыланды.
Қатысушылар 06-2019 ПМГ сәйкес сынақтардың нәтижелерін тануға және типінбекітуге, сондай-ақ шетелдік метрологиялық қызметтер орындаған өлшем құралдарын бастапқы салыстырып тексеру нәтижелерін тануға ерекше назар аударды.
Сондай-ақ, өлшем құралдарын салыстырып тексеру және калибрлеу, сынақ жабдықтарын аттестаттау, шетелдік өндірістің стандартты үлгілерін қолдануға рұқсат беру және салыстырып тексеру әдістемелері мен салыстырып тексеру таңбаларын сатып алу мүмкіндіктері қаралды.
Бұдан басқа, мамандар өлшемдерді орындау әдістемелерін әзірлеу, жергілікті салыстырып тексеру схемаларының сараптамасы, зертханааралық салғастыруларды жүргізу, сондай-ақ білім беру бағдарламалары жөніндегі көрсетілетін қызметтерді талқылады.
Кездесу барысында компания өкілдері институттың ғылыми-техникалық қызметімен және оның эталондық базасымен танысты.