3 Қыркүйек 2025
ЕҰУ «Стандарттау, сертификаттау және метрология» кафедрасында ҚР СИМ ТРМК, ҚазСтандарт, ҰАО және ҚТЖ қатысуымен диалогтік кездесу өтті. Студенттерге нақты мансаптық траекторияны, сала практикасы мен талаптарын таныстырды.
3 қыркүйекте «Л.Н. Гумилев атындағы Еуразия ұлттық университеті» КеАҚ қабырғасында «Стандарттау, сертификаттау және метрология» кафедрасында Көлік-энергетикалық факультетінің (ОП 6В07532 «Стандарттау және сертификаттау», ОП 6В07550 «Метрология») 1-4 курс студенттерінің ҚР СИМ ТРМК, «ҚазСтандарт» РМК, «ҰАО» РМК, «ҚТЖ» ҰК» АҚ өкілдерімен «Тәлімгерлік даму векторы: жұмыс беруші – студент» тақырыбында диалогтік платформа форматында кездесу өтті.
Л.Н. Гумилев атындағы ЕҰУ КеАҚ «Стандарттау, сертификаттау және метрология» кафедрасының меңгерушісі, профессор, т.ғ.д. Бақыткүл Байхожаева іс-шара модераторы болды.
Л.Н. Гумилев атындағы ЕҰУ КеАҚ Көлік-энергетикалық факультетінің деканы Өміржан Кокаев, «Л.Н. Гумилев атындағы ЕҰУ» КеАҚ академиялық мәселелер жөніндегі департамент директоры Байжұман Қашқынбай, стратегиялық жоспарлау және халықаралық ынтымақтастық басқармасының басшысы Гульнара Яшкина және кафедра тәлімгері, Н.Э. Бауман атындағы ММТУ аспиранты Гүлмира Баймурзина құттықтап, сөз сөйледі.
Іс-шара болашақ түлектерді әлеуетті жұмыс берушілермен таныстыруға бағытталған кәсіптік бағдар беру бағдарламасы аясында өтті.
Метрология, стандарттау және менеджмент жүйелері саласындағы жетекші ұйым «ҚазСтандарт» РМК өкілі қазіргі замандағы стандарттау мен метрологияның мамандығы, мүмкіндіктері мен рөлі, кәсіпорын қызметінің негізгі бағыттары, экономиканың түрлі салалары үшін метрологиялық қамтамасыз етудің маңыздылығы, сондай-ақ стандарттау саласындағы өзекті үрдістер туралы айтып берді. ҚазСтандартөнеркәсіп кәсіпорындарымен, ғылыми мекемелермен және мемлекеттік құрылымдармен өнімдер мен көрсетілетін қызметтердің сапасы мен қауіпсіздігін арттыруға ықпал ететін шешімдерді әзірлей және енгізе отырып, белсенді ынтымақтастықта жұмыс істейді.
Баяндамада жас мамандар үшін мансаптық мүмкіндіктерге ерекше назар аударылды. Студенттер өндірістік және диплом алдындағы практика бағдарламалары, сондай-ақ жұмысқа орналасу шарттары туралы білді.
«ҚазСтандарт» өкілі техникалық мамандықтардың түлектерін — инженер-метрологтарды, сапаны бақылау жөніндегі мамандарды, стандарттау және сертификаттау саласындағы сарапшыларды — өнеркәсіп және өндіріс зертханалары мен ұйымдарында жұмысқа орналастыру туралы айтып берді.
Сондай-ақ жоғары оқу орнын бітіргеннен кейін «ҚазСтандартта» өз мансабын бастаған жас қызметкерлердің кәсіби өсуінің нақты жағдайлары келтірілді. «Сұрақ-жауап»форматындағы кездесуге қатысушылар жұмыстың ерекшелігі, жалақы деңгейі, кәсіби қайта даярлау және даму перспективалары туралы өздерін қызықтырған сұрақтарын қоя алды.
Іс-шара студенттер арасында үлкен қызығушылық тудырды. Көпшілігі кездесу стандарттау және метрология саласына жаңа көзқараспен қарауға, сондай-ақ осы маңызды және сұранысқа ие салаларда мансап құру мүмкіндіктері туралы ойлануға көмектескенін атап өтті.
