8 Желтоқсан 2025
ҚазСтандарттың Оқу орталығы техникалық реттеудің, өлшем бірлігін қамтамасыз етудің және стандарттаудың негізгі бағыттары бойынша онлайн-оқытуды қайта бастайды, деп хабарлайды РМК баспасөз қызметі.
Мемлекеттік ғылыми-метрологиялық орталық және стандарттау жөніндегі ұлттық орган бола отырып, ҚР СИМ ТРМК «ҚазСтандарт» РМК бірқатар сұранысқа ие тақырыптар бойынша онлайн-оқытудың қайта басталғаны туралы хабарлайды.
ҚР Ғылым және жоғары білім министрлігінің жарғылық қызметі және аккредиттеу шеңберінде жұмыс істейтін ҚазСтандарттың оқу орталығы техникалық реттеу, өлшем бірлігін қамтамасыз ету, стандарттау және менеджмент жүйелері саласындағы мамандарды оқыту, біліктілігін арттыру және қайта даярлау бойынша қызметтер көрсетеді.
Ұйымның хабарлауынша оқыту вебинар форматында қайтадан қолжетімді болады. Бұл формат тыңдаушыларға кез келген өңірден қосылуға, сабақтан өндірістен қол үзбей өтуге және топтың құрылуын күтпеуге мүмкіндік береді. Сонымен қатар қашықтықтан оқыту құны бойынша қолжетімді болып табылады.
Тыңдаушыларға мынадай бағдарламалар қолжетімді:
• ГОСТ ISO/IEC 17025-2019 «Сынақ және калибрлеу зертханаларының құзыреттілігіне қойылатын жалпы талаптар. Ішкі аудит»
• ҚР СТ ISO 19011-2019 «Менеджмент жүйесінің аудиті бойынша басшылық нұсқаулар»;
• «Өндірісті метрологиялық қамтамасыз ету»;
• «Өлшем бірлігін қамтамасыз ету»
• «Техникалық реттеу және стандарттау саласындағы мамандардың біліктілігін арттыру»;
• ГОСТ ISO/IEC 17043-2013 «Сәйкестікті бағалау. Біліктілікті тексеруді жүргізуге қойылатын негізгі талаптар».
Оқытуды ҚазСтандарт сарапшылары — көп жылдық салалық тәжірибесі бар, өндірістік және басқару практикасын білетін мамандар, аттестатталған аудиторлар мен мемлекеттік техникалық реттеу жүйесінің дәріскерлері жүргізеді.
Вебинар қорытындысы бойынша тыңдаушылар атаулы электрондық сертификаттар мен үлестірме материалдар жинағын алады.
Өтінімдер тыңдаушылардың саны мен кәсіпорынның деректемелерін көрсете отырып, мына электрондық мекенжайларда қабылданады: info@ksm.kz, a.abubakirova@ksm.kz, m.ramazanova@ksm.kz, сондай-ақ сайттағы нысан арқылы: https://ksm.kz/ru/education/training-application/
Толық ақпарат мына телефондар арқылы қолжетімді: 8 (7172) 79 59 26, 79 59 24.
ҚазСтандартта ұлттық органда оқыту «бастапқы көзден» — стандарттарды әзірлеуге және елдегі техникалық реттеу жүйесін дамытуға тікелей қатысатын мамандардан білім алуға мүмкіндік беретінін атап өтті.