13 Мамыр 2026
Қазақстанда мектептерді мүгедектігі бар балалар үшін барынша ыңғайлы және қолжетімді етуге тиісті жаңа стандарттар талқыланды. Дөңгелек үстел ҚазСтандарт алаңында онлайн-форматта өтті. Талқылауға мемлекеттік органдардан, әкімдіктерден, университеттерден, мектептерден және басқа да білім беру ұйымдарынан 80-ге жуық өкіл қатысты.
Кездесу уақытында қатысушыларға білім беру саласындағы екі жаңа ұлттық стандарт ұсынылды. ҚР СТ ISO 21001-2025 деп аталатын бірінші құжат білім беру қызметі мен көрсетілетін қызметтердің сапасын қамтамасыз етуге, білім алушылардың және басқа да мүдделі тараптардың қанағаттанушылығын арттыруға, сондай-ақ білім беру ұйымдарының құзыреттілігі мен әлеуметтік жауапкершілігін дамытуға бағытталған білім беру ұйымдарына арналған менеджмент жүйесіне қойылатын талаптарды белгілейді.
Қатысушылар мүгедек балаларға арналған мектептердің қолжетімділігіне қатысты ҚР СТ 4023-2025стандартына ерекше назар аударды. Құжат инклюзивті білім беру ортасын құруға бірыңғай талаптарды қалыптастырады және инфрақұрылымды да, оқу процесін ұйымдастыруды да қозғайды.
Бұл жерде тек пандустар туралы ғана айтылып отырған жоқ. Стандартта кіреберістердің, кабинеттердің, санитариялық үй-жайлардың және мектептер ішіндегі навигацияның қолжетімділігі көзделген. Сондай-ақ ерекше білім алуға мұқтаж балаларға басқа оқушылармен тең оқуға ыңғайлы болу үшін оқу процесін ұйымдастыруға да назар аударылады.
Жаңа талаптарды енгізу мектептерді балалар үшін де, олардың ата-аналары үшін де ыңғайлы және қауіпсіз етуге көмектеседі, жанұялардың оқу кезінде кездестіретін кедергілерінің санын азайтуға тиіс деп күтілуде.
Дөңгелек үстел барысында қатысушыларға жаңа стандарттардың іс жүзінде қалай қолданылатыны жайлы айтылды. Оқу-ағарту министрлігінің өкілі терминология мәселелеріне бөлек тоқталып, нормалардың елдің бүкіл аймағында бірдей түсініліп, қолданылуы керектігін айтты.
Кездесуге қатысушылар стандарттарды енгізу білім сапасын арттыруға және жүйені заманауи әрі қолжетімді етуге көмектеседі деген пікір білдірді.