18 Қыркүйек 2025
Елорда колледжінің студенттеріне экономикаға метрология және стандарттау рөлі туралы және сұранысқа ие мамандықтар туралы айтылды.
Жұмысшы мамандықтары жылын мерекелеу аясында 17 қыркүйекте «Қ. Құлажанов атындағы қазақ технология және бизнес университеті» АҚ колледжінің алаңында «ҚазСтандарт» РМК өкілдерінің колледж директоры Құрманғазы Сұрағанов бастаған колледж басшылығымен және «Стандарттау, сертификаттау және метрология» кафедрасының екінші курс студенттерімен кездесу өтті.
Кездесу мақсаты – студенттерді болашақ мамандықпен және дамудың мүмкін болатын траекторияларымен таныстыру.
ҚазСтандарт мамандары метрологтар мен стандарттаушылардың жұмысы, қазіргі заманғы экономика үшін стандарттау мен метрологияның маңыздылығы, ұйым қызметінің негізгі бағыттары және саланың өзекті трендтері, сондай-ақ әртүрлі өндіріс саласындағы метрологиялық қамтамасыз ету рөлдері туралы айтты.
Мансаптық перспективаларға жеке блок арналды. Студенттерді өндірістік және диплом алдындағы тәжірибенің нұсқаларымен, сондай-ақ кейін жұмысқа орналасу шарттарымен таныстырды.
Оқуды бітіргеннен кейін бірден ҚазСтандартта өз мансабын бастаған жас қызметкерлердің кәсіби өсуіне мысалдар келтірілді. «Сұрақ-жауап» форматында жұмыс міндеттерінің ерекшелігі, еңбекақы төлеу деңгейі, қайта даярлау және одан әрі дамуу мүмкіндіктері талқыланды.
Кездесу айтарлықтай қызығушылық тудырды. Көптеген студенттер стандарттау мен метрологияға жаңа көзқараспен қарап, ел үшін сұранысқа ие және маңызды бағыттарда мансап құрудың нақты мүмкіндіктерін бағалай алғанын атап өтті.
