9 ақпаннан бастап ағымдағы жылдың 1 тамызына дейін Қазақстан стандарттау және метрология институты 2027 жылға арналған Ұлттық стандарттау жоспарына ұсыныстар-өтінімдерді қабылдауды жүзеге асырады.

9 ақпаннан бастап ағымдағы жылдың 1 тамызына дейін 2027 жылға арналған Ұлттық стандарттау жоспарына ұсыныстар-өтінімдерді қабылдау жүзеге асырылады.

Ұсыныстар-өтінімдер және оларға қоса берілетін түсіндірме жазбалар Ұлттық стандарттау жоспарын әзірлеу қағидаларының талаптарына сәйкес ресімделуі тиіс (Қазақстан Республикасы Инвестициялар және даму министрінің 2018 жылғы 7 желтоқсандағы № 862 бұйрығы).

Сондай-ақ, бюджет қаражаты есебінен төмендегілерді әзірлеуге жол берілетінін еске саламыз:
        – техникалық регламенттерге өзара байланысты ретінде стандарттар тізбесіне енгізілетін негіз қалаушы ұлттық стандарттар, ұлттық және мемлекетаралық стандарттар;
       – Қазақстан Республикасы Президенті мен Қазақстан Республикасы Үкіметінің мемлекеттік бағдарламалары мен актілерін іске асыру мақсатында әзірленетін ұлттық стандарттар;
       – нормативтік құқықтық актілерде қолданылатын ұлттық стандарттар мен техникалық-экономикалық ақпараттың ұлттық жіктеуіштері.

Стандарттау жөніндегі құжаттардың өзге түрлері өзге де қаржыландыру көздері есебінен әзірленеді.

Қосымша ақпаратты мына телефон арқылы алуға болады:

8 7172 79-59-87 – Кравченко Т.И.