26 Қазан 2025
Қазақстан Республикасының Сауда және интеграция министрі Арман Шакқалиев Қазстандарт қызметкерлерін Республика күніне орай марапаттады, деп хабарлайды «КазСтандарт» РМК баспасөз қызметі.
Ұлттық мерекенің құрметіне министр министрлік пен ведомстволық бағынысты ұйымдардың қызметкерлеріне мемлекеттік және ведомстволық наградалар табыстады. Барлығы 72 маман атап өтілді, олардың ішінде — Қазстандарттың бес қызметкері бар.
Техникалық реттеу және стандарттау саласында 25 жылдан астам жұмыс істеген Елена Кулешова «Ерен еңбегі үшін» («За трудовое отличие») медалімен марапатталды. Ол 60-тан астам ұлттық және мемлекетаралық стандарттарды әзірледі, олардың ішінде – ҚР СТ 989-2014 «Қазақстан Республикасының Мемлекеттік Елтаңбасы. Техникалық шарттар» және ҚР СТ 3363-2019 «Қазақстан Республикасы Президентінің байрағы. Техникалық талаптар» стандарттары бар.
Қаржы департаментінің бас маманы Сәуле Ақылбаева «Еңбек ардагері» («Ветеран труда») ведомстволық медалімен марапатталды. 43 жыл ішінде ол Қазстандарт жүйесінің дамуына елеулі үлес қосты.
20 жылдық тәжірибесі бар инженер-метролог Динара Мұқашева «Құрметті метролог» («Заслуженный метролог») белгісімен марапатталды. Қызмет ету кезеңінің ішінде масса бірлігінің мемлекеттік эталонын сақтаушы-ғалым болды, өлшем құралдарын сынауды және калибрлеуді өткізді. Бүгінгі күні ғылым және білім мәселелерімен айналысады.
Сауда және интеграция министрлігінің Құрмет грамотасымен Саудадағы техникалық кедергілер, санитарлық және фитосанитарлық шаралар жөніндегі ақпарат орталығының басшысы Қанат Токушев және орталықтың бас маманы Эльмира Оразбаева марапатталды. Екеуі де техникалық реттеу және стандарттау мәселелері бойынша халықаралық жобаларға белсенді қатысады. Кәсіби іріктеу қорытындысы бойынша Қанат Токушев ISO Regional Support Officer — Орталық Азиядағы ISO өкілі болып тағайындалғанын атап өтеміз.
Сондай-ақ, Қазстандарттың өзінде Республика күніне орайластырылған салтанатты жиналыс өтті. Оған сала қызметкерлері мен ардагерлері қатысты. Естелік сыйлықтар табыс етіліп, көп жылғы еңбегі мен жұмысқа берілгендігі үшін алғыс айтылды. Атап өтілгендердің қатарында – метрологтар Айымгүл Қадырова мен Серік Саукенов, сондай-ақ стандарттау саласындағы мамандар Светлана Түйтебаева, Айгүл Байдүйсенова, Айжан Әміреева, Лидия Құсайынова, Мадина Мұқатова және Владимир Мельник бар.
Республика күнінің құрметіне арналған салтанатты іс-шаралар концерттік бағдарламалармен аяқталды. Домбырашылардың орындауындағы қазақ халық әуендері, сала ардагерлеріне бірлік, мақтаныш пен ризашылық атмосферасын тудырған патриоттық әндер мен музыкалық нөмірлер шырқалды.
