16 Сәуір 2026
14 сәуірде «ҚазСтандарт» РМК алаңында менеджмент жүйелері саласындағы екі ұлттық стандартқа арналған онлайн режимінде дөңгелек үстел өтті. Атап айтқанда, парақорлыққа қарсы іс-қимыл жөніндегі ҚР СТ ISO 37001-2025 және ақпараттық қауіпсіздік менеджменті жүйелерін аудиттеуді және сертификаттауды жүзеге асыратын органдарға қойылатын талаптарды реттейтін ҚР СТ ISO/IEC 27006-1-2025 стандарттары талқыланды.
Талқылауға шамамен 70 адам қатысты. Олардың қатарында мемлекеттік органдардың, әкімдіктердің, салалық қауымдастықтардың, кәсіпорындардың және сарапшылар қағамдастығының өкілдері бар.
ҚР СТ ISO 37001-2025 стандарты ұйымдарда парақорлықты болдырмауға, анықтауға және парақорлық жағдайларына ден қоюға мүмкіндік беретін жүйелерді құруға бағытталған. Сонымен қатар стандартта сыбайлас жемқорлыққа қарсы заңнама талаптары және компаниялардың ерікті міндеттемелері ескерілген.
Өз кезегінде ҚР СТ ISO/IEC 27006-1-2025 ақпараттық қауіпсіздік менеджменті жүйелерін аудиттеуді және сертификаттауды жүзеге асыратын сертификаттаужөніндегі органдарға қойылатын талаптарды белгілейді. Құжат деректерді қорғауға және кибертәуекелдерді төмендетуге бағытталған ISO/IEC 27000 халықаралық стандарттар сериясының құрамына кіреді.
Дөңгелек үстел ашық диалог форматында өтті. Қатысушылар сұрақтар қойып, стандарттарды практикалық енгізу бойынша түсіндірмелер алды.
«Атырау мұнай өңдеу зауыты» ЖШС, «Мемлекеттік техникалық қызмет» АҚ, «ҰСО» РМК, «Республикалық оқыту және консалтинг орталығы» ЖШС және басқа да ұйымдардың өкілдері талқылауға белсенді қатысты.