7 Қазан 2025
2025 жылдың 28 қыркүйегінде ҚР Еңбек сіңірген метрологы Юрий Александрович Малов өмірден өтті. Ол кісіні білетіндер және бірге жұмыс істегендер үшін бұл — орны толмас қаза.
1980 жылдан бастап ол метрология саласындағы қызметке белсенді түрде қатысты, еліміздегі алғашқы электронды өнеркәсіптік таразылардың жасалуына бастамашы болды және алғашқылардың бірі болып отандық масса-компаратор шығаруды жолға қойды.
2003 жылы платформалық, автомобиль, вагон және бункерлік таразылар мен дозаторларды шығару бойынша «Control Systems Technology Азия» ЖШС құрды. Қазақстандық таразы өндірісінің экспортына белсенді қатысты, әртүрлі шетел ұйымдарымен ынтымақтастықты ілгерілетті. Бүгінгі таңда оның таразысы Ресей Федерациясында және Еуразиялық одақтың басқа елдерінде қолданылады, оның серіктестері арасында Франция, Испания, Оңтүстік Корея және Австралия сияқты елдерді атап өтуге болады.
Юрий Александрович метрология саласының дамуына тікелей өзі қатысты, Метрологтар кеңесінің, №30 «Метрология» техникалық комитетінің мүшесі болды.
Оның еңбегі әртүрлі марапаттармен бағаланды:
— 2008 жыл — «ҚР Еңбек сіңірген метрологы» атағы;
— 2012 жыл — Қазақстанда ең үздің таразы жүйесі үшін «Үздік өлшеу құралы» конкурсының дипломы;
— 2013 жыл — Қазақстанның Даңқ ордені және «Еңбек қызметіндегі тиімділігі үшін» медалі;
— 2018 жыл — компания өнімі қазақстан бренді болып танылды және «Қазақстан бренді» кітабына енгізілді.
Юрий Александрович өмірінде терең із қалдырған жарқын тұлға болды. Оны адамгершілік қасиеті, жоғары кәсібилігі, өмірсүйгіштігі мен оптимизмі ерекшелендіріп тұратын. Ол туралы жарқын естелік біздің жүрегімізде мәңгі қалады.
Отбасына, әріптестеріне және достарына шын жүректен қайғырып көңіл айтамыз.