19 Мамыр 2026
14 мамыр күні ҚазСтандартта «Kazakh Tourism» ҰК» АҚ және ҚР ҰКП «Атамекен» өкілдерінің қатысуымен Қазақстанның туризм саласында заманауи сапа инфрақұрылымын дамытуға арналған кездесу өтті.
Талқылаудың негізгі тақырыптары туристік қызметтердің қауіпсіздігі, сервис сапасы және туризм саласында ұлттық стандарттарды іс жүзінде қолдану мәселелері болды.
«ҚазСтандарт» РМК бас директоры Мәлік Сәулебай бүгінде туризм тек инфрақұрылымды дамыту мен елімізді алдыңғы қатарлы елдер қатарына қосуды ғана емес, сонымен қатар туристік қызметтердің сапасы мен қауіпсіздігіне жүйелі сенімдіқалыптастыруды талап ететінін атап өтті.
«Біз стандарттардың ресми бар түрінен нақты жұмыс істейтін туризмге деген сенімжүйесіне ауысуымыз қажет: мемлекет қауіпсіздіктің қамтамасыз етілетініне кепілдік беруге, ал сапа мен сервис бизнесте бәсекелестік басым мәселеге айналуға тиіс», — деп атап өтті ол.
Кездесу барысында тараптар ерікті сертификаттауды дамыту, қолданыстағы стандарттарды өзектендіру және қонақүй қызметі, глэмпингтер, экологиялық, балалар және белсенді туризм салаларында сапаны бағалаудың заманауи тетіктерін енгізу тәсілдерін талқылады.
Кездесу қорытындысы бойынша қолданыстағы стандарттарды түгендеп қайта қарау, пилоттық бағыттарды пысықтау және Қазақстанның туризм саласындағы заманауи сапа инфрақұрылымын дамыту бойынша бірлескен сараптамалық өзара іс-қимылды іске қосу жөнінде келісімге қол жеткізілді.
