30 Мамыр 2026
Астанада Еуразиялық экономикалық одақ елдерін стандарттау жөніндегі ұлттық органдар басшылары кеңесінің 17-ші отырысы өтті. Кездесу V Еуразиялық экономикалық форум аясында EXPO Халықаралық көрме орталығының Конгресс-орталығында өтті. Отырыс Армения, Беларусь, Қазақстан, Қырғызстан және Ресей өкілдерінің, сондай-ақ Еуразиялық экономикалық комиссияның қатысуымен қосарлыформатта өтті.
Биыл Қазақстан ЕАЭО мемлекеттерін стандарттау жөніндегі ұлттық органдар басшыларының Кеңесіне төрағалық етеді.
Қатысушылар алдыңғы отырыс шешімдерінің орындалуын, мемлекетаралық стандарттау бағдарламаларын ЕАЭО техникалық регламенттеріне қатысты стандарттарды әзірлеу бағдарламаларымен синхрондау мәселелерін, сондай-ақ мемлекетаралық стандарттарды әзірлеу бағдарламаларының іске асырылуына мониторинг жүргізу тәсілдерін талқылады.
Одақтың техникалық регламенттерінің тізбелеріне кіретін күші жойылған мемлекетаралық және ұлттық стандарттардың құқықтық мәртебесіне ерекше назар аударылды. Сондай-ақ тараптар сәйкестікті бағалау туралы құжаттардың қолданылу кезеңінде олардың мәртебесі өзгерген кезде стандарттардың қолданылуын және Еуразиялық экономикалық комиссия Алқасының шешімдері бойынша өтпелі ережелерді енгізу қажеттілігін қарады.
Отырысқа қатысушылар көптеген мәселелер бойынша бірлескен ортақ ұстанымға келді. Бұл ретте тараптар жекелеген мәселелер бойынша мемлекетаралық стандарттарды әзірлеу бағдарламаларын қалыптастыру және олардың орындалуына мониторинг жүргізу тәсілдеріндегі айырмашылықтар туралы атап өтті.
Отырыс қорытындылары бойынша ресми хаттама дайындалып, жолданатын болады.
Кездесуге қатысушылар атап өткендей, отырыс іскерлік, өзара түсіністікатмосферасында өтті және ЕАЭО шеңберінде стандарттау және техникалық реттеу саласындағы ынтымақтастықты дамытуға тағы да бір қадам болды.
