Экономикалық реформа және өңірлік даму комитетінің төрағасы Рау Альберт Павлович бастаған Қазақстан Республикасы Парламенті Мәжілісінің депутаттары ҚазСтандарттың бірегей жаңғырықсыз камерасы бар зертханалық орталығына келді.
Бүгінгі күні мұнда әзірлеушісі және өндірушісі «Қазақстан Парамаунт Инжиниринг» болып табылатын «Алан-2» отандық брондалған доңғалақты машинасының сынақтары жүргізілуде.
«Бізге бұл сынақтар борттық электроника немесе машинаның электронды түйіндері бере алатын жасырын кедергілердің жоқтығына, сондай-ақ олардың әскери стандарттардың талаптарына сәйкес сыртқы кедергілерден қорғалғанына көз жеткізу үшін қажет. Бұған дейін мұны тек шетелдегі сынақ зертханаларында жасауға болатын. Ал қазір бізге уақыт тұрғысынан өте ыңғайлы және бюджет бойынша үнемді», - деді «Қазақстан Парамаунт Инжиниринг» ЖШС техникалық директоры Мұхтар Әлмұханов.
Өнімді электромагниттік үйлесімділікке сынау сәулеленетін радио кедергілердің деңгейлерін және олардың әсеріне төзімділігін анықтау үшін жүргізіледі. Бұл ЕАЭО және басқа елдер нарығының міндетті талаптарға сәйкестігін растау үшін, сондай-ақ техникалық деңгей мен техниканың сапасын арттыру үшін қажет.
Сынақтар ЕАЭО техникалық регламенті 020/2011 талаптарына және оларды одан әрі сертификаттау және пайдалану үшін MIL-STD әскери стандарттарына сәйкестігіне жүргізіледі.