Жыл сайын 14 қазанда әлемдік қауымдастық ұлттық және халықаралық стандарттар ретінде жарияланатын техникалық құжаттарды әзірлеумен айналысатын әлемдегі мыңдаған сарапшылардың жұмысын бірлесіп бағалауға мүмкіндік беретін Дүниежүзілік стандарттар күнін атап өтеді. Жыл сайын бұл мереке белгілі бір ұранмен атап өтіледі, биылғы ұран – «Жақсы әлемге деген ортақ көзқарас. БҰҰ-ның Тұрақты даму мақсаттарын қолдау стандарттары».
Орнықты даму саласындағы мақсаттар (ТДМ) әлеуметтік диспропорцияларды жоюға, орнықты экономиканы дамытуға және климаттың өзгеру қарқынын бәсеңдетуге бағытталған. Оларға қол жеткізу үшін халықаралық стандарттар мен сәйкестікті бағалауды қоса алғанда, барлық қолжетімді құралдарды пайдалана отырып, мемлекет, бизнес және жеке серіктестердің ел ішінде де, одан тыс жерлерде де ынтымақтастығы қажет.
Осыған байланысты, ағымдағы жылдың 14 қазанында Қарағанды филиалы 35-тен астам студент пен профессор-оқытушылар құрамы үшін мерекелік іс-шара ұйымдастырды. Іс-шараға Қарағанды облысының оқу орындары қатысты, онда болашақ стандарттаушылар дайындалуда, атап айтқанда:
- Әбілқас Сағынов атындағы Қарағанды техникалық университеті;
- Қазтұтынуодағы Қарағанды университеті;
- Қарағанды индустриялық университеті;
- КарУК бизнес және құқық колледжі.
Іс-шара Қарағанды филиалының базасында өтті, оның барысында қатысушылар құнды ақпарат алды, филиалдың жұмысымен танысты, қызықтырған сұрақтарын қойды, сондай-ақ зертханаларға барып танысты.