Отырыс жұмысына Беларусь, Қазақстан, Ресей, Молдова, Өзбекстан, Қырғызстан елдерінің Стандарттау жөніндегі ұлттық органдарының өкілдері, сондай-ақ МТК, ТМД Атқарушы комитетінің, Мемлекетаралық стандарттау бюросының стандарттары жөніндегі өкілдері қатысты.
Қатысушылар Стандарттау, метрология және сертификаттау жөніндегі Мемлекетаралық Кеңестің қызметін дамыту бойынша көптеген маңызды мәселелерді талқылады.
Отырыс барысында мемлекетаралық стандарттау бойынша жұмыстарды жүргізу кезінде МТК рөлінің өсуі атап өтілді. Мамандар МТК қызметін реттеу кешенді тәсілді және оларды үйлестіру бойынша тетіктерді бірлесіп өңдеуді талап ететінін мойындады. Осы бағытта жүйелі жұмыс жүргізу үшін жаңа құжаттар - МТК қызметінің тиімділігін бағалау жобасы және МТК бірыңғай ережесінің жобасы әзірленді. Нәтижесінде стандарттау жөніндегі мемлекетаралық техникалық комитеттердің тиімділігін арттыру жөнінде келісілген ұсынымдар қабылданды.
Сондай-ақ, қатысушылар 2020 жылға дейінгі кезеңде мемлекетаралық стандарттаудың даму стратегиясының ережелерін талқылады. Сарапшылар халықаралық өңірлік ұйымдармен ынтымақтастықты дамыту бөлігінде жоспарланған іс-шараларды іске асыруды жалғастыру туралы шешім қабылдады. Сонымен қатар, мемлекетаралық стандарттаудың қызметін кешенді автоматтандыру үшін қазіргі заманғы ақпараттық платформаны әзірлеу және енгізу негізінде жұмысты жетілдіру тақырыбына қызу пікірталас тудырды. Мемлекетаралық стандарттаудың рәсімдері бойынша мәселелер қаралды, 2021-2025 жылдарға арналған мемлекетаралық стандарттау жөніндегі жұмыстардың басым бағыттары тізбесінің жобасын әзірлеу басталды.
Стандарттау жөніндегі ҒТК барысында келісілген ғылыми-техникалық саясатты жүргізу бойынша ұсыныстар мен ұсынымдар қаралды. Қатысушылар негіз қалаушы стандарттарды жетілдіру бойынша мәселелерді талқылап, мемлекетаралық стандарттау бойынша құжаттар тізімін талдады.
Қаралған құжаттар мен өткізілген отырыстардың қорытындысы бойынша сарапшылар мемлекетаралық стандарттаудың жұмыс істеу жағдайын жақсартуға бағытталған бірқатар өзекті мәселелерді қарап, талдау жасады. Қатысушылар 2019 жылғы 13 қарашада Шымкент қаласында өтетін мемлекетаралық стандарттаудың кезекті отырысында шешім қабылдау үшін ұсыныстар әзірледі.