Үш күн ішінде өңірдің әртүрлі кәсіпорындары мен ұйымдарынан 80-нен астам қатысушы, олардың ішінде мемлекеттік органдардың, құрылыс кәсіпорындарының, сынақ зертханаларының өкілдері, ЖОО оқытушылары бейнеоқытуға қатысты, бейнелекцияларды тыңдады және онлайн-форматта лекторлармен сөйлесті.
«Қазақстан стандарттау және сертификаттау институты» РМК Бас директорының орынбасары Еркежан Әмірханова құттықтау сөз сөйледі.
Оқыту бойынша негізгі тақырыптар:
- стандарттау саласындағы заңнама, сонымен қатар оны мемлекеттік сатып алуды жүзеге асыру кезінде практикалық қолдану, отандық өнімнің сапасын арттыру;
- метрология, өлшем бірлігін қамтамасыз ету туралы нормативтік құқықтық актілерді практикалық қолдану;
- сәйкестікті растау және аккредиттеу мәселелерін реттейтін нормативтік құқықтық актілерге, стандарттарға қабылданған өзгерістер;
- техникалық реттеу, өлшем бірлігін қамтамасыз ету, сәйкестікті бағалау саласындағы аккредиттеу саласында мемлекеттік бақылау және қадағалау, ЕАЭО елдеріндегі нарықты бақылау мен қадағалаудың заңнамалық негізі.
- экспорттың басым елдеріндегі техникалық реттеу. Қытай, Иран, Түркия, Біріккен Араб Әмірліктері және Германия нарықтарында өнімге қол жеткізу шарттары.
Бұдан басқа қатысушылардың назарына автомобиль жолдары және құрылыс материалдары бағыттары бойынша стандарттау және техникалық реттеу туралы заңнаманы қолдану бойынша түсініктемелер ұсынылды.
Оқытудағы пікірталас форматы тыңдаушыларға практикалық қызметінде жиі туындайтын мәселелерде белсенді болуға мүмкіндік берді, оларға лекторлар егжей-тегжейлі, толыққанды жауаптар берді.
Нәтижесінде семинар болашақта іс жүзінде өнім мен көрсетілетін қызмет өндірісін сауатты және тиімді жетілдіруге ықпал ететін болады.
Анықтама: «ҚазСтИн» РМК бас директорының орынбасары Еркежан Әмірханова, «ҚазжолҒЗИ» АҚ Стандарттау және ақпарат департаментінің директоры Есенбек Айдарбеков, ТК 78 «Құрылыс материалдары және бұйымдары» стандарттау жөніндегі техникалық комитеті төрағасының орынбасары Қайрат Садыханов («ИННОБИЛД « ЖШС), «ҚазМетрИн» РМК бас директорының орынбасары Дәурен Шәріпов, «ҚазСтИн» РМК Талдау және жүйелеу орталығының бас маманы Айтмұхан Мусин, «ҚазСтИн» РМК Саудадағы техникалық кедергілер және санитариялық-фитосанитариялық шаралар жөніндегі ақпарат орталығы бастығының орынбасары Қарлығаш Саттыбаева лекторлар ретінде дәріс берді.