Бұл Қазақстандық стандарттау және сертификаттау институты өткізген Солтүстік Қазақстан облысының бизнес қоғамдастығы өкілдерінің қатысуымен өткен алтыншы семинар. Еліміздегі коронавирус пандемиясынан туындаған жағдайға байланысты биылғы жылғы семинарды әдеттегі форматта өткізу қиынға соқты, сондықтан семинар модераторлары шараны онлайн форматта өткізуге шешім қабылдады.
Осы жылғы семинарға мемлекеттік органдардың, ҰКП, қауымдастықтардың, жоғары оқу орындарының стандарттау жөніндегі мамандары, сондай-ақ өңірдің өнеркәсіптік кәсіпорындары мен сынақ орталықтарының сарапшылары жиналды. Семинарға қатысу үшін машина жасау, құрылыс, автожол және облыстың басқа да салаларының 66 маманы тіркелді.
Оқыту барысында қатысушыларға ұлттық стандарттау жүйесі саласындағы жалпы нормативтік-құқықтық база туралы бірқатар презентациялар ұсынылды. Олар Қазақстан Республикасының «Стандарттау туралы» Заңының негіздерін, стандарттау жөніндегі құжаттардың қолданылуын, ұлттық стандарттау жоспары мен ұлттық стандарттарды әзірлеу ережелерін талқылады. Қазақстан Республикасында халықаралық стандарттарды қолдану практикасына ерекше назар аударылды.
Семинарға қатысушылар мемлекеттік сатып алуды жүзеге асыру кезінде стандарттау және техникалық реттеу туралы заңнамасының практикалық қолдану мәселесін алғаш рет қарастырды. Ұлттық деңгейде де, ЕАЭО шеңберінде де техникалық реттеу саласындағы мемлекеттік бақылау және қадағалау, өлшем бірлігін қамтамасыз ету, сәйкестікті бағалау саласындағы аккредиттеу мәселелері толығырақ қарастырылды.
Оқыту семинарының шеңберінде қатысушыларға Қытай, Иран, Түркия, Біріккен Араб Әмірліктері және Германия (органикалық өнім бөлігінде) сияқты басым елдердің нарықтарына экспорттау қолжетімділігі үшін өнімнің техникалық реттеу жүйесі таныстырылды.
Қатысушылар атап өткендей, толғандыратын сұрақтарға жауап алу мүмкіндігі, сондай - ақ басқа ұйымдардың мамандарымен тәжірибе алмасу осы форматты оқытудың артықшылығы болып табылады. Семинар барысында жүргізілген көптеген пікірталастар компания өкілдерінің біліктілік деңгейін арттыруға, ал тьюторларға - аймақтағы кәсіпорындардың қажеттіліктері туралы ақпарат алуға көмектеседі. Атап айтқанда, семинар аясында өнімді сертификаттау, мемлекеттік сатып алуларда стандарттарды қолдану және т. б. туралы пікірталастар болды.
Қатысушылардың практикалық іс-әрекеттерінде туындайтын көптеген сұрақтары аудиторияның дайындығының жоғарғы деңгейін көрсетті. Қатысушылар осындай іс-шараларды жиі өткізуді және халықаралық дәріскерлердің қатысуымен форматты кеңейтуді ұсынды.