Ұлттық стандарттау органының (бұдан әрі-ҰСО) алаңында бас директор Х.С.Кәрібжановтың төрағалығымен стандарттау жөніндегі техникалық комитеттердің (бұдан әрі ТК) 2019 жылғы қорытындылары бойынша кеңейтілген отырысы өткізілді. Отырысты ашу барысында, ол ТК жұмысын жандандырудың «Стандарттау туралы» жаңа Заңды іске асыру шеңберіндегі маңыздылығын атап өтті. Отырысқа қатысушылар есепті кезеңдегі қызметі туралы есепті тыңдады,олардың қызметін бағалаудың дәстүрлі рейтингісімен танысты. Белгіленген 49 ТК-тің 8-і ең белсенді деп танылды. Отырыс барысында жақын арадағы жұмысты үйлестіруді күшейту бөлігінде бірінші кезектегі міндеттер анықталды және Ұлттық стандарттауды дамытуға бағытталған мақсаттар қаралды. ТК қызметіндегі проблемалық мәселелер және оларды шешу жолдары айтылды.
ТК өкілдері диалог форматында стандарттарды әзірлеуде ұсынылған жаңа тәсілді және олардың ҰСО-мен өзара байланысын арттыруға қатысты презентацияны талқылауға белсенді қатысты. Отырыс барысында Еуропалық елдердің ұлттық стандарттау органдарының тәжірибесін ескере отырып, олардың қызметінің тиімділігін одан әрі күшейту мақсатында ТК хатшылығын жүргізу жөніндегі функцияларды ҰСО-на жүктеу туралы ұсыныс қаралды.
Пікірталас барысында ТК мүшелері (С.Заитова, К.Садыханов, А.Орынбасаров, Е. Джайлаубеков, Е.Абуов, М. Дуамбеков және т. б.) Ресей Федерациясының үлгісі бойынша субсидиялау арқылы нарық субъектілерінің өзекті стандарттарын әзірлеу туралы; халықаралық талаптармен үйлестірілген стандарттардың метрологиялық сараптамасын жүргізудің орынсыздығы туралы; стандарттарды әзірлеу процестерін автоматтандыру бойынша; басым салалардағы стандарттау жөніндегі құжаттарды талдау және жүйелеу бойынша жұмыстарды жандандыру; сондай-ақ стандарттарды қолдану мониторингі және т. б. жөніндегі ұсыныстарды айтты. Ішкі нарықты қорғау және отандық өндірушілердің бәсекеге қабілеттілігін арттыру үшін стандарттарды әзірлеу, стандарттау жөніндегі халықаралық құжаттардың сапалы аудармасын дайындау, сондай-ақ ұлттық стандарттар мәртебесіне ғылыми әзірлемелерді дамыту қажеттілігі жөніндегі сұрақтар қозғалды.