Кеңесте мүдделі тараптар мен серіктестерді тарту, жоғары сапалы стандарттарды әзірлеу, технологияларды, коммуникацияларды және ұйымдарды дамытуды, сондай-ақ барлық жерде ISO стандарттарын қолдануды көздейтін ISO 2016-2020 Стратегиясын іске асыру қорытындысы шығарылды.
Кеңестің мүшелері үшін жаңа ISO стратегиясын әзірлеу бойынша семинар ұйымдастырылды, онда қатысушылар жаңа Стратегияның мақсаттары мен міндеттері туралы идеяларды ұсынды. Негізгі мақсаттар: нарықтық қажеттілікке негізделген икемді тәсіл, елдер мен ұйымдар арасындағы қарым-қатынастар мен сенімділікті дамыту, халықаралық стандарттарды әзірлеудің ашық тәртібі, ақпараттық технологиялар мен инновацияларды дамыту, тұрақты болашақты қалыптастыру және өмір сапасын жақсарту.
Семинардың нәтижелері жаңа ISO Стратегиясының жобасына енгізілетін болады.
Іс-шара аясында ҰСО басшылары мен ISO бөлімшелерінің басшыларымен бірқатар екіжақты кездесулер мен келісімдерге қол жеткізілді:
- ҚХР-ның Стандарттауды дамыту жөніндегі министрінің орынбасары Т.Шихонгпен, Қытайдың ҚХР нарығына қазақстандық өнімдердің экспорты бойынша Пекиндегі жұмыс кездесуін ұйымдастыру туралы:
- Малайзия Стандарттары Департаментінің Бас директоры Д.М. Бахаринмен DSM және «ҚазСтИн» РМК арасындағы стандарттарды аудару, қабылдау және тарату туралы лицензиялық шарт жасасуды тездету туралы;
- ISO тұтыну саясаты жөніндегі комитетінің COPOLCO төрағасы Г. Зукал, Астана қаласында COPOLCO семинарын стандарттау үдерісінде тұтынушыларды тарту тақырыбында бірлескен әзірлеу туралы.
Кеңесте сондай-ақ, ұйым қызметінің негізгі техникалық, саяси және қаржылық мәселелері қаралды.
Арман Шаккалиев Орталық Азия аймағынан және ТМД-дан техникалық сарапшыларды халықаралық стандарттау үдерісіне тарту керектігін атап өтті, осыған байланысты ол ISO-ның «Хатшылар апталығы» жобасының шеңберінде стандарттау жөніндегі техникалық комитеттердің (TК) эксперттері мен потенциалды хатшылары үшін Қазақстанда семинарды өткізу туралы ұсыныс жасады.
Сондай-ақ, қазақстандық тарап Орталық хатшылық әзірлеген «Виртуалды жобаның ISO» бағдарламасының маңыздылығын атап өтті, ол қазақстандық бизнеске ISO/TK пленарлық мәжілістеріне бейне-конференция түрінде қашықтан қатысуға және халықаралық стандарттар жобаларында өз мүдделерін қорғауға мүмкіндік береді.
ISO-ның Сингапурдағы аймақтық кеңсесінің қызметі туралы баяндаманы тыңдау барысында Қазақстан Орталық Азия аймағында осындай ISO тәсілін қолдану қажеттілігін атап өтті..
Күн тәртібінің аясында 2020 жылға дейін Кеңес отырысын өткізу туралы мәселе талқыланды. Қазақстан жағы ISO Кеңесінің 112-ші отырысын 2020 жылдың маусым айында Астана қаласында өткізу туралы бастама көтерді.
Сондай-ақ ISO-мен Ислам елдері стандарттау және метрология институтымен SMIIC ынтымақтастық туралы Кеңес мәселені қарады. Сауд Арабиясы мен Қазақстан ұйымдар арасындағы өзара ынтымақтастық туралы келісім жасасу туралы бастаманы қолдады.
«Халал өнімдері нарығының кең спектрін ескере отырып, ISO және SMIIC ынтымақтастығы әлемдегі Halal өнімдері үшін бірыңғай сапа инфрақұрылымын құруға серпін беретінін есте сақтау керек» - А.Шаққалиев атап өтті.
Іс-шара барысында AFNOR француздық ҰСО басшысы қазақстандық тарапты ISO/TC 323 «Шеңберлі экономика» жұмысына белсенді қатысуға шақырды, оның ағымдағы жылдың 20 мамырында пленарлық отырысы өткізіледі.
Бұдан басқа, ISO Орталық Хатшылығының қызметкерлері қазіргі уақытта ISO-ның жаңа платформасын әзірлеп, ISO-ға мүше елдер арасындағы өзара іс-қимылды жеңілдететінін хабарлады.
Платформада ISO-ның ғылыми-техникалық зерттеулері, озық ҰСО туралы ақпарат және стандарттау бойынша халықаралық лекторлардың тізілімі болады.
Іс-шара соңында Кеңес мүшелері ұйым жұмысын оңтайландыру бойынша бірқатар шешімдер қабылдады және ISO-ның негізгі стандарттар органдарының өзара іс-қимылының маңызы мен жемісті екенін атап өтті.