Бұл «бестік»: Қытай, Түркия, Біріккен Араб Әмірліктері, Иран және Германия (органикалық өнім бөлігінде) мемлекеттік органдармен және Ұлттық кәсіпкерлер палатасымен бірлесіп, экспортқа бағдарланған кәсіпорындармен анықталды. Талдау химия, металлургия салаларын, машиналар мен жабдықтарды қамтитын тамақ өнімдері бойынша 166 позицияны және өнеркәсіп өнімдері бойынша 58 позицияны көрсетті.
Шолу жоғарыда көрсетілген елдердің Техникалық реттеу және СФС шаралар саласындағы импорттық өнімдеріне қойылатын талаптарды қамтиды. Осы шолудың мақсаты қазақстандық экспорттаушылардың ҚХР, БАӘ, Түркия, Иран және Германия нарықтарына қол жеткізуін қамтамасыз ету және сайып келгенде, осы елдер арасындағы тауар айналымын арттыруға үлес қосу мақсатында тамақ және өнеркәсіп өнімдеріне экспорт елдерінің міндетті талаптарын толыққанды сипаттау болып табылады.
Экспорт алгоритмі ветеринариялық, фитосанитарлық және санитарлық бақылау шараларын, сондай-ақ техникалық реттеу шараларын (сәйкестікті растау) ескере отырып, Қазақстан Республикасынан өнім экспорты бойынша қадамдық іс-қимылдарды сипаттайды. Бүкіл алгоритм экспорт алдындағы мақұлдаудан, экспортқа дайындалудан бастап, экспорт нарығына өнім шығарудың негізгі кезеңдерін қамтиды және одан әрі өнімді әкелудің «құпияларын» ашады.
Жүргізілген жұмыстардың қорытындысы бойынша Қытай, БАӘ, Түркия, Иран және Германияға өнімді экспорттау алгоритмдері мен елдік шолулар шығарылды.
Бұл басылымдар қазақстандық экспорттаушыларға көмек көрсету және отандық өнімнің экспортын қолдау мақсатында өтеусіз негізде таратылады, сондай-ақ www.export.gov.kz және www.kazinst.kz. сайттарында электрондық форматта орын алады.