14 қазанда бүкіл әлем Стандарттау күнін атап өтті. Биылғы жылы ҚазСтандарт бұл күннің пайдалы, әрі ақпаратқа толы болуы үшін көп күш жұмсады. Мереке қарсаңында халықаралық онлайн-форум, ТДМ бойынша секциялық отырыстар, студенттік викторина және біздің жазылушыларымыз үшін жалпы бейне-конкурс ұйымдастырылды.
11-12 қазанда ҚазСтандарт Тұрақты даму мақсаттары бойынша секциялық отырыстар өткізеді:
· ТДМ 3 «Жақсы денсаулық пен әл-ауқат»
· ТДМ 4 «Сапалы білім»
· ТДМ 8 «Лайықты жұмыс. Экономикалық өсу»
· ТДМ 13 «Климаттың өзгеруімен күрес»
Отырыстарда қатысушылар топтары ТДМ іске асыру бойынша өзіндік мінсіз моделін жасайды және оларды бірлескен талқылаудан кейін таныстыратын болады. ҚазСтандарт барлық модельдерді қорытынды модельге жинақтайды және ТДМ іске асырудың алынған моделі шеңберінде әрбір кіші тапсырма бойынша стандарттар тізбесін қалыптастырады. Осылай жаһандық проблемаларды шешу жолдары қалыптасады.
Дүниежүзілік стандарттар күнін мерекелеу қарсаңында 11 қазанда 3-4 курс студенттеріне арналған «Стандарт бойынша өмір» викторинасы өтті. Жарысқа 9 қазақстандық ЖОО-нан 10 команда қатысты:
· Алматы технологиялық университеті
· Ғ. Даукеев Атындағы Алматы энергетика және байланыс университеті
· Жәңгір хан атындағы Батыс Қазақстан аграрлық-техникалық университеті
· М. Қозыбаев атындағы Солтүстік Қазақстан университеті
· Л.Н. Гумилев атындағы Еуразия ұлттық университеті
· М.Х.Дулати атындағы Тараз өңірлік университеті
· Д. Серікбаев атындағы Шығыс Қазақстан техникалық университеті
· Қазтұтынуодағы Қарағанды Университеті
· С. Сейфуллин атындағы Қазақ агротехникалық университеті
«Стандартты тап» атты I кезеңде ең көп ұпай санын 3 команда жинады: М. Қозыбаев атындағы СҚУ, Л.Н. Гумилев атындағы ЕҰУ және М.Х. Дулати атындағы ТӨУ.
«Стандарттарды әзірлеу процестері» атты II кезеңде ұлттық стандарттар жобаларын әзірлеудің 7 кезеңінің дұрыс алгоритмін құру қажет болды. Мұнда М.Х. Дулати атындағы ТӨУ командасы жеңіске жетті.
«Викторина» атты III кезеңде Ғ.Даукеев атындағы Алматы энергетика және байланыс университеті командаларының бірі 250 ұпай жинап, білімімен ерекшеленді.
Комиссия мүшелері — бас директордың орынбасары Ж.А. Бегайдаров және Стратегиялық даму және ғылым департаментінің басшысы Л.М. Иргалиева үш кезеңнің қорытындысы бойынша ойын жеңімпазын анықтады:
III орын — Ғ. Даукеев атындағы Алматы энергетика және байланыс университетінің командасы (320 ұпай)
II орын — Л.Н. Гумилев атындағы Еуразия ұлттық университетінің командасы (340 ұпай)
I орын — М.Х. Дулати атындағы Тараз өңірлік университетінің командасы (380 ұпай)
13 қазанда Дүниежүзілік стандарттар күніне арналған халықаралық онлайн-форум өтті. Форумға 270-тен астам адам қатысты. Биылғы Дүниежүзілік стандарттар күні «Жақсы әлемнің жалпы көрінісі. Стандарттар БҰҰ Тұрақты даму мақсаттарын қолдайды» деген тақырыппен аталады.
БҰҰ Даму бағдарламасының өкілі, Стамбулдағы БҰҰДБ өңірлік хабының Жасыл экономика және жұмыспен қамту жөніндегі бағдарламалық маманы Михаил Пелях 20 жыл бұрын БҰҰ алаңында бекітілген 17 тұрақты даму мақсаты туралы айтып берді. Бүгінде ТДМ-ны барлық әлемдік қоғамдастық, оның ішінде Қазақстан да қолдайды.
Дүниежүзілік стандарттар күнінің атаулы мереке болғаны үшін біз осы салада әлі де қолдау көрсетіп келе жатқан Халықаралық стандарттау ұйымына (ISO) ризамыз. ИСО Бас хатшысы Серхио Мухика форумға қатысушыларға бейнеқұттықтау жолдады, ал ISO Техникалық басқару бюросының Климаттың өзгеруі жөніндегі үйлестіру комитетінің Төрағасы Ника Близ климаттың өзгеруі жөніндегі 13 ТДМ-ның тұсаукесерін жасады.
Одан кейін Біріккен Ұлттар Ұйымының өнеркәсіптік даму жөніндегі Басқарушы директоры (ЮНИДО) доктор Бернардо Кальзадилья-Сармьенто сөз сөйледі, ол процестерді цифрландыру және өндірісті автоматтандыру қажеттілігі туралы айтты және ХЭК Амбассадоры, Legrand-India компаниясының президенті Вимала Махендру сөз сөйлеп, ол ХЭК алаңында БҰҰ-ның Тұрақты даму мақсаттарының іске асырылуы туралы айтты.
Сондай-ақ, CEN-CENELEC Еуропалық электр техникалық комитеті мен Стандарттау жөніндегі Еуропалық комитеттің басқару орталығының Энергетика және тұрмыс департаментінің Аккаунт-менеджері Катерина Вигнерон Еуропада ТДМ-ның іске асырылуы туралы айтып берді.
Қазақстанда ТДМ-ның қолданылуы және іске асырылуы туралы Қазақстан Республикасы Сауда және интеграция министрлігі Техникалық реттеу және метрология комитетінің Төрағасы А.Д. Әбенов, ҚазСтандарт Бас директорының орынбасары С.Ю. Радаев баяндама жасады.
Қазақстан 30 жыл бойы ұлттық стандарттау жүйесін тиімді құрып келеді,: осы жылдар ішінде ұлттық стандарттарды әзірлеу рәсімі оңтайландырылды, стандарттарды қолдану деңгейі артты, стандарттау жөніндегі техникалық комитеттердің жұмысы жөнге келтірілді, отандық экспортқа бағдарланған кәсіпорындар экспорты басым елдердің стандарттары мен техникалық регламенттері туралы өзекті ақпаратпен қамтамасыз етілді және көптеген басқа жұмыстар атқарылды. Мұндай табыстарға қол жеткізуге көбіне озық елдердің тәжірибесі, Еуропа өңірі мемлекеттерінің үлгісі ықпал етті.
Мерекенің өзі ЖОО оқытушыларына арналған дәріспен есте қалады, онда ISO/ТК 232 «Білім беру және оқыту қызметтері» төрағасы Флориан Май және ISO/ТК 232 менеджері Катарина Лакхманн сөз сөйледі. Дәріске Қазақстанның түкпір-түкпірінен 120-дан астам оқытушы қатысты. Оларға білім беру қызметтері саласындағы халықаралық стандарттарды әзірлеу процесі туралы айтылды және қазақстандық сарапшыларды уақыт талаптарына сай келетін және оқытудың жаңа технологияларына сәйкес алдыңғы қатарлы стандарттарды әзірлеуге қатысуға шақырды.
Сондай-ақ бұл күні ҚазСтандарт қызметкерлері үшін «Логика қайда?» зияткерлік ойыны ұйымдастырылды. Алты команда «Логик-сарапшы» атағы үшін бақ сынасты, ал жеңісті Мемлекеттік эталондар департаментінің командасы жеңіп алды.
Ал Тұрақты даму мақсаттарына арналған бейне-конкурста Қарағанды қаласының тұрғыны Павел Ильченко жеңіске жетті. Барлық қатысушыларға еңбектері мен зейін қойып, тырысқандары үшін алғыс айтамыз!