Оформите заявку на сайте, мы свяжемся с вами в ближайшее
время и ответим на все интересующие вопросы.
Химия саласы жаңа техрегламентті енгізуге дайындалуда.
«Химиялық өнімнің қауіпсіздігі туралы» ЕАЭО ТР қабылданды, бірақ әзірге күшіне енген жоқ, бүгінгі күні оған бизнес тарапынан көптеген мәселелер бар.
Қазстандарттың Үйлестіру орталығында регламентке өзгерістер енгізу жобасы талқыланды. "Атамекен" ҚР ҰКП химиялық заттарды түгендеу, химиялық өнімдерді жаппай тіркеу мәселесіне қатысты өз ұсыныстарын, және бұл экономиканың кейбір салаларының өндірісін тоқтатуға әсер етуі мүмкіндігін айтты.
Кеңес жұмысына химиялық өнімді пайдаланатын немесе өндіретін 60-тан астам компания қатысты.
Негізгі даулы мәселе аз тонналы химиялық заттар мен қоспаларға арналған "кесілген" қауіпсіздік паспортын қолдану туралы ұсыныс болды. Өндірушілердің, импорттаушылардың, тұтынушылардың және мемлекеттік органдардың пікірлері екіге бөлінді, себебі кейбіреулері қысқартылған талаптарды, басқалары сол талаптардың толық тізбесін көрсетуді ұсынады.
Кеңес қорытындысы бойынша Үйлестіру орталығы елдік ұстанымды қалыптастыру үшін бизнес - қоғамдастықпен және сараптамалық ұйымдармен қосымша бірқатар консультациялар өткізуді ұсынды.