Теміржол саласындағы жаңа талаптар
ЕЭК Алқасы темір жол көлігі саласындағы техникалық регламенттерге өзгерістерді қолданысқа енгізу тәртібін белгіледі (2022 жылғы 01 ақпандағы № 19 шешім).
ЕЭК-тің 2021 жылғы 14 қыркүйектегі № 90 шешімімен қабылданған темір жол саласының техникалық регламенттеріне өзгерістер 2022 жылғы 6 сәуірде күшіне енеді.
Тәртіп техрегламенттің және сәйкестікті бағалау туралы құжаттардың жаңа талаптарына кезең-кезеңімен көшуді көздейді.
Бұл 2022 жылғы 6 сәуірге дейін берілген/қабылданған сәйкестікті бағалау туралы құжаттардың қолданылу мерзімі аяқталғанға дейін өнімді өндіруді және айналымға шығаруды жүзеге асыруға мүмкіндік береді.
Бұдан басқа,Тәртіпте 2024 жылғы 8 сәуірге дейін бұрын сәйкестікті бағалауға жатпаған өнімді (жоғары жылдамдықты жылжымалы теміржол құрамын қоспағанда) өндіріске жіберу және айналысқа шығару мәселелері реттелді.
Өтпелі ережелерге сәйкес шығарылған өнімнің айналысына оның бүкіл қызмет ету мерзімі ішінде жол беріледі.
ЕЭК шешімімен толығырақ сілтеме бойынша таныса аласыз: https://docs.eaeunion.org/.../ru-ru/01431112/err_03022022_19