Қазақстан мен Әзербайжан өзара сауда айналымын арттыруда
ҚР СИМ ТРМК ҚазСтандарт басшылығы Баку қаласында Сауда-экономикалық миссияға қатысты.
Миссия шеңберінде ҚазСтандарт Әзербайжан стандарттау институтымен және Әзербайжан метрология институтымен келісімге қол қойды
Келісімдердің негізгі мақсаттары:
- өзара жеткізілетін өнімге стандарттарды қабылдау және қолдану;
- биомедицина және т.б.саласында мемлекеттік стандартты үлгілерді жасау;
- электр өлшемдері бойынша бірлескен салғастыруларды өткізу;
- стандарттау және метрология саласында бірлескен ғылыми-зерттеу жобаларын іске асыру.
«Бұл келісімдер өзара сауда айналымын арттыруға көмектеседі. Бұл ретте, Әзербайжан кәсіпкерлері өз өнімдерін одан әрі экспорттау үшін Қазақстанның өңірлік референттік орталығына жүгіне алады», - деп ҚазСтандарт басшысы Ғабит Мұхамбетов атап өтті.
Қазақстан өнімдерінің экспорты 2022 жылғы тек қаңтар - наурыз айларында 3,7 есе өсіп, 71,4 млн. АҚШ. долл. құрағанын естеріңізге саламыз.