Қазақстанда әлеуметтік инклюзия стандарттарын жақсарту және барлық азаматтар үшін тең мүмкіндіктерді қамтамасыз ету бойынша белсенді жұмыс жалғасуда.
Алматы қаласында ҚазСтандарт мынадай ұлттық стандарттарды енгізу мәселелері бойынша гибридті форматта дөңгелек үстел ұйымдастырды:
- ҚР СТ 3846-2023 «Мүгедектігі бар адамдар мен жүріп-тұруы шектеулі топтарды есепке алғанда, халық үшін инфрақұрылым нысандарының және көрсетілетін қызметтердің қолжетімділігі. Жалпы талаптар. Қолжетімділік шарттары»;
- ҚР СТ 3843-2023 «Ымдау тілі. Есту қабілеті бойынша мүгедектігі бар адамдар үшін аударма жөніндегі көрсетілетін қызметтер. Негізгі ережелер»;
- ҚР СТ 3844-2023 Мүмкіндігі шектеулі адамдарға және халықтың жүріп-тұруы шектеулі басқа топтарына көрсетілетін қызметтерді ұсыну жөніндегі қаржы ұйымдарына қойылатын талаптар».
Түрлі салалардың 100-ден астам өкілі, оның ішінде Алматы қ. Әкімдігі, ҚР Төтенше жағдайлар министрлігі, Алматы қ. «Атамекен» ӨКП, Алматы қ. ТРМКД, «Еуразиялық инклюзивті қоғамды дамыту қауымдастығы» ЗТБ, «Қазақстан саңыраулар қоғамы» ҚБ, ««Жан» мүгедектердің құқықтары жөніндегі Азия қоғамы» ҚБ, ««Жігер мүгедектері бар адамдар жастар ұйымы» ҚБ, екінші деңгейдегі банктер және тағы басқалар жаңа әзірленген ұлттық стандарттарды міндетті ету қажеттілігі туралы ортақ пікірге келді.
«Аталған стандарттар инфрақұрылым объектілерінің қолжетімділігінен және мүмкіндігі шектеулі клиенттерге арнайы қызмет көрсету шарттарынан бастап лингвистикалық құзыретті, әртүрлі диалектілер мен ымдау тілінің стильдерін игерген аудармашыларға қойылатын талаптарға дейінгі нақты талаптарды белгілейді», - деп атап өтті ҚазСтандарт Бас директорының орынбасары Искандер Хамитов.
Сонымен қатар Алматы қалалық мүгедектер қоғамының төрағасы Ұлан Инкарбеков орналастыру мәселелері туралы мәселені көтерді. Ол бірінші қабатта жүру дербес шығуды қамтамасыз ете алатын жер сілкінісі жағдайын мысалға келтіре отырып, төтенше жағдайлардағы ерекшеліктерді ескеру қажеттілігін атап өтті.
Тиісті стандарттарға сілтемелерді енгізу және оларға міндетті сипат беру арқылы нормативтік-құқықтық актілерге өзгерістер енгізу жоспарлануда.