Росстандарт делегациясы Нұр-Сұлтанда
25 тамызда Ресей делегациясының ҚазСтандарт басшылығымен кездесуі өтті. Делегацияны Техникалық реттеу және метрология жөніндегі федералдық агенттіктің басшысы Антон Шалаев басқарды, сондай-ақ делегация құрамына «Ресей стандарттау институты» ФМУК, «Д. И. Менделеев атындағы БМҒЗИ» ФМУК өкілдері, ведомствоның орталық аппаратының қызметкерлері кірді.
Кездесу барысында ҚазСтандарттың бас директоры Ғабит Мұхамбетов ресейлік әріптестерді біздің институттың қызметімен, соның ішінде ҚазСтандарт негізінде құрылған үйлестіру орталығымен таныстырды.
Басшылар келесі бағыттар бойынша ынтымақтастықты жалғастыру мүмкіндіктерін талқылады:
- техникалық регламенттерді қамтамасыз етуге арналған стандарттарды әзірлеу бөлігінде мемлекетаралық және халықаралық стандарттауда өзара іс-қимылды жандандыру және ИСО мен ХЭК алаңдарында бірлескен бастамалар
- ЕАЭО техникалық регламенттеріне стандарттар тізбесіне енгізілген зерттеулер (сынақтар) және өлшемдер әдістемелерін қолдану
- эталондық базаны дамыту және жұмыс жағдайында ұстау
Естеріңізге сала кетейік, 2020 жылдың желтоқсанында ҚазСтандарт ЕАЭО-ға мүше мемлекеттердің ұлттық стандарттау институттарының бірлескен қызметі туралы Келісімге қатысушылардың бірі болды. Бұдан басқа, Ресей мен Қазақстанды техникалық реттеу саласындағы ұзақ мерзімді ынтымақтастық байланыстырып келеді.