Ұлттық стандарттау жоспарына өтінімдер беру тәртібін түсіндіру
Стандарттау жөніндегі ұлттық орган жыл сайын стандарттаудың Ұлттық жоспарын қалыптастыру жөніндегі жұмысты жүзеге асырады.
Қазстандарт Қарағанды филиалының базасында "Атамекен" ҚР ҰКП, өңірдің жергілікті атқарушы органдары мен бизнес өкілдерінің қатысуымен 2024 жылға арналған ұлттық стандарттау жоспарын қалыптастыру мәселесі бойынша жұмыс кеңесі өткізілді.
Жүргізіліп жатқан жұмыстың негізгі мақсаттары отандық өнімнің бәсекеге қабілеттілігін, қауіпсіздігі мен сапасын арттыру, саудадағы техникалық кедергілерді жою, сондай-ақ, ең алдымен, халықтың өмір сүру сапасын жақсарту үшін жағдайлар жасау болып табылады.
Филиал маманы ұлттық стандарттау жоспарын қалыптастыру бойынша жүргізіліп жатқан жұмыстардың тұсаукесерін, оның барлық кезеңдерін, кәсіпорын қызметінде, оның ішінде мемлекеттік сатып алуға қатысу кезінде ұлттық стандарттарды қолданудың артықшылықтары туралы баяндады.
Кәсіпорындарға 1 тамызға дейін олар қолданатын стандарттау құжаттарына талдау жүргізу және қажет болған жағдайда Ұлттық жоспарға оларды әзірлеуге өтінімдер енгізу ұсынылды.