Көлік құралының сәйкестендіру нөмірі VIN
Көлік құралының сәйкестендіру нөмірі VIN (Vehicle Identification Number) техникалық регламентке сәйкес әрбір көлік құралына (шассиіне) беріледі. VIN коды кемінде 30 жыл бойы бірегей болып табылады. Бұл ретте VIN сәйкестендіру нөмірінің алғашқы үш позициясында өндірушінің халықаралық сәйкестендіру коды WMI (World Manufacturers Identification) келтірілуге тиіс.
WMI коды көлік құралын өндірушіні сәйкестендіру үшін қызмет етеді, таңбалау жасауға мүмкіндік береді.
Техникалық регламент күшіне енгенге дейін (2015 жылғы 1 қаңтар) WMI кодын алу үшін қазақстандық автокөлік құралдарын өндірушілер басқа мемлекеттердің түрлі компанияларының делдалдық қызметтеріне ақылы негізде жүгінуге мәжбүр болды. Бүгінгі таңда бұл қызметті Халықаралық стандарттау ұйымының (ISO) өкілеттігі бойынша әрекет ететін Автомобиль инженерлері қоғамымен (Society of Automotive Engineers) бірлесіп, ҚазСтандарттың техникалық хатшылығы ақысыз негізде ұсынады.
Бүгінгі күні 30 қазақстандық көлік құралын өндірушіге WMI коды берілді, бұл көлік секторының бәсекеге қабілеттілігі мен қауіпсіздігін арттыруға мүмкіндік береді.