«Қазақстандық стандарттау және метрология институты» ШЖҚ РМК Қытай Халық Республикасының мемлекеттік органдарымен және мүдделі кәсіпорындарымен ынтымақтастық бойынша маманды іріктеу үшін конкурс жариялайды.

1. Үміткерлерге қойылатын біліктілік талаптары

Білімі: Жоғары білім: техникалық.

Жұмыс тәжірибесі: Мамандығы бойынша жалпы еңбек өтілі кемінде 5 жыл.

Тілдерді білуі: Мемлекеттік тіл, орыс тілі, қытай тілі (деңгейі: HSK 4-тен төмен емес), ағылшын тілін білу құпталады.

2. Атқарылатын жұмыстардың / көрсетілетін қызметтердің тізбесі мен көлемі

1. Қытай Халық Республикасының мемлекеттік органдарымен, даму институттарымен, салалық қауымдастықтарымен және ұйымдарымен, оның ішінде Шэньси провинциясында өзара іс-қимылды орнату, қолдау және дамыту.

2. Шэньси провинциясында «ҚазСтандарт» РМК мүдделерін білдіру, бейінді ведомстволармен және ұйымдармен тұрақты жұмыс байланыстарын қалыптастыру.

3. ҚХР бизнес-қоғамдастығының өкілдерімен, өнеркәсіптік кәсіпорындармен, экспортқа бағдарланған компаниялармен және іскерлік бірлестіктермен өзара қатынастарды қалыптастыру, дамыту және сүйемелдеу.

4. ҚХР аумағында «ҚазСтандарт» РМК қызметтерін ілгерілету, оның ішінде әлеуетті серіктестер үшін презентациялар, келіссөздер, консультациялар өткізу және түсіндіру жұмыстарын жүргізу.

5. Әлеуетті серіктестерді, клиенттерді және контрагенттерді іздеу, тарту және бастапқы іріктеу, сондай-ақ келісімдер жасасу кезеңіне дейін келіссөздер процесін сүйемелдеу.

6. Қытай тарапы мен «ҚазСтандарт» РМК арасындағы жедел өзара іс-қимылды қамтамасыз ету, оның ішінде:

а) қытай ұйымдарынан келіп түсетін сұрауларды қабылдау және өңдеу;

б) жауаптар мен түсіндірмелер дайындау;

в) сұраулар мен материалдарды Қазақстан Республикасындағы «ҚазСтандарт» РМК-ның тиісті бөлімшелеріне жолдау;

г) қарау мерзімдерін және кері байланыстың алынуын бақылау.

7. Құжаттарды, іскерлік хат алмасуды, келіссөздерді, кездесулер хаттамаларын және өзге де материалдарды жазбаша және ауызша (қытай/орыс) аударуды жүзеге асыру.

8. ҚХР нарығы бойынша, оның ішінде Шэньси провинциясы бойынша аналитикалық, ақпараттық және есептік материалдар дайындау, соның ішінде нормативтік талаптарға, стандарттарға, техникалық реттеуге және іскерлік ортаға мониторинг жүргізу.

9. «ҚазСтандарт» РМК делегацияларының ҚХР-ға және қытай серіктестерінің Қазақстан Республикасына сапарларын ұйымдастыруға жәрдемдесу, оның ішінде ұйымдастырушылық және коммуникациялық қолдау көрсету.

10. Стандарттау, техникалық реттеу және сәйкестікті бағалау саласындағы үздік тәжірибелермен алмасу арқылы серіктестердің кәсіби құзыреттерін дамытуға жәрдемдесу.

11. ҚХР аумағында іссапарлар мен тағылымдамалар кезеңінде «ҚазСтандарт» РМК делегациялары мен мамандарын сүйемелдеуді қамтамасыз ету, оның ішінде тұруды ұйымдастыруға (қонақүйлерді брондау), көлікпен қамтамасыз етуге, іскерлік бағдарламаны ұйымдастыруға, аударма қызметін көрсетуге, сондай-ақ болу барысында туындайтын өзге де ұйымдастырушылық және тұрмыстық мәселелерді шешуге жәрдемдесу.

12. Шарттың қолданылу кезеңінде туындайтын «ҚазСтандарт» РМК-ның қосымша тапсырмаларын орындау және сұрауларын өңдеу, оның ішінде жедел әрекет ету және шарт мәні шеңберінде сүйемелдеу.

3. Өтінімдерді қабылдау мерзімі

Өтінімдер 2026 жылғы 31 наурыздан 09 сәуірге дейін (қоса алғанда) қабылданады.

4. Конкурс кезеңдерінің саны

Конкурс 2 кезеңде өткізіледі.

5. Өтінімдерді қабылдау үшін электрондық пошта мекенжайы

Өтінімдер келесі электрондық пошта мекенжайы арқылы қабылданады: e.bakhyt@ksm.kz