Техникалық реттеу жөніндегі үйлестіру орталығы

Үйлестіру орталығы туралы

Еліміздің маңызды және мойындалатын сарапшылық пікірін әзірлеу және ҚР – ның Техникалық реттеу саласындағы халықаралық алаңдардағы келіссөз ұстанымын күшейту мақсатында, "ҚазСтандарт" РМК базасында 2021 жылғы 1 шілдеден бастап Техникалық реттеу жөніндегі үйлестіру орталығы (бұдан әрі - Үйлестіру орталығы) құрылды.

Үйлестіру орталығының негізгі міндеттеріне мыналар жатады:

1. Салалардағы техникалық реттеу деңгейін және кәсіпорындардың ЕАЭО техникалық регламенттерін енгізуге әзірлігін айқындау; техникалық регламенттер нормаларының сәйкестігін бағалау және оларды қолдану бойынша түсіндіру жұмыстарын жүргізу жөніндегі әдіснамалық жұмыс.

2. Үйлестіру орталығының орталық мемлекеттік органдар жанындағы сарапшылық кеңестерге және Қазақстан Республикасы Премьер-Министрі орынбасарының төрағалығымен Үйлестіру кеңесіне қатысуы арқылы ЕАЭО техникалық регламенттерінің жобалары бойынша елдік ұстанымды тұжырымдау.

3. ЕАЭО-да, атап айтқанда, ЕЭК-тің ЕАЭО ТР әзірлеу жөніндегі жұмыс тобының, ЕЭК Консультативтік комитетінің, ЕЭК Алқасының және ЕЭК Кеңесінің алаңдарында қазақстандық ұстанымды ілгерілету.

Осылайша, Техникалық реттеу жөніндегі үйлестіру орталығы Қазақстан атынан техникалық реттеу мәселелерін халықаралық алаңдарда шешу кезінде келісілген іс-қимылдарды қамтамасыз етуге жәрдемдесетін, біздің еліміз үшін Техникалық реттеу саласындағы басым міндеттерді пысықтауға, Қазақстан Республикасының ұлттық мүдделеріне сәйкес, Техникалық реттеу саласындағы стратегиялық мақсаттар бойынша ұсыныстар әзірлеуге ықпал ететін болады.

2021 жылы Үйлестіру орталығы ЕАЭО-ның 5 техникалық регламенті бойынша талдау жұмысын жүргізді:

«Минералды тыңайтқыштарға қойылатын талаптар туралы» (ТР ЕАЭО 039/2016);
«Химиялық өнімнің қауіпсіздігі туралы» (ТР ЕАЭО 041/2017);
«Тасымалдауға және (немесе) пайдалануға дайындалған жанғыш табиғи газдың қауіпсіздігі туралы» (ТР ЕАЭО 046/2018);
«Энергия тұтынатын құрылғылардың энергия тиімділігіне қойылатын талаптар туралы» (ТР ЕАЭО 048/2019);
«Сұйық және газ тәрізді көмірсутектерді тасымалдауға арналған магистральдық құбырларға қойылатын талаптар туралы» (ТР ЕАЭО 049/2020).

Қазіргі уақытта келесі ЕАЭО-ның 8 техникалық регламенттері бойынша талдамалық жұмыс жүргізілуде (оның ішінде 3 жоба):

«Синтетикалық жуғыш заттар мен тұрмыстық химия тауарларының қауіпсіздігі туралы» (ЕАЭО жобасы);
«Лак-бояу материалдарының қауіпсіздігі туралы» (ЕАЭО жобасы);
«Тамақ өнімдерімен жанасатын материалдардың қауіпсіздігі туралы» (ЕАЭО жобасы);
«Балалардың ойын алаңдарына арналған жабдықтардың қауіпсіздігі туралы» (ЕАЭО ТР 042/2017);
«Артық қысыммен жұмыс істейтін жабдықтардың қауіпсіздігі туралы» (КО ТР 032/2013);
«Жарылғыш заттар мен олардың негізіндегі бұйымдардың қауіпсіздігі туралы» (КО ТР 028/2012);
«Азаматтық қорғанысқа және төтенше жағдайлардан, табиғи және техногендік сипаттағы қорғанысқа арналған өнімнің қауіпсіздігі туралы» (ТР ЕАЭС 050/2021);
«Құс еті мен оны қайта өңдеу өнімдерінің қауіпсіздігі туралы» (КО ТР 051/2021);