Газ орталарындағы компоненттердің молярлық үлесі бірлігінің мемлекеттік эталоны

KZ.01.01.00052-2010
Мемлекеттік эталон 2009 жылы "ҚазМетрИн" РМК ҚФ базасында құрылды және зерттелді және Техникалық реттеу және метрология комитетінің метрология жөніндегі ғылыми-техникалық комиссиясының 09.04.2010 жылғы № 233 шешімімен мемлекеттік эталон ретінде бекітілді.

2010 – 2011 жылдары таза газдарды талдауға арналған хроматографиялық кешенмен, 0,001-ден 0,1% молярлық үлесі диапазонында газ ортасындағы компоненттердің молярлық үлесінің бірлігін жаңғыртуға арналған газ араластыру кешенімен Мемлекеттік эталонды жаңғырту жүргізілді. Эталон Техникалық реттеу және метрология комитетінің метрология жөніндегі ғылыми-техникалық комиссиясының 18.04.2014 жылғы № 355 шешімімен зерттелді және мемлекеттік эталон ретінде қайта бекітілді.

Эталон молярлық үлес бірліктерінің мөлшерін және газ ортасындағы компоненттердің массалық концентрациясын жаңғыртуды, сақтауды және беруді қамтамасыз ететін бірқатар физика-химиялық әдістерге (хроматографиялық, гравиметриялық, оптикалық-абсорбциялық) негізделген.

Эталонның метрологиялық сипаттамалары:

- газ ортасындағы компоненттердің молярлық үлесі бірлігі 0,0001% - дан 99,9% - ға дейінгі жаңғырту диапазоны ;

- өлшеу нәтижесінің рұқсат етілген абсолютті қателігінің шегі ±0,15 % аспайды;

- диапазонға байланысты 10 тәуелсіз өлшеу кезінде жаңғырту нәтижесінің 2•10^-6-дан 6•10^-2-ге дейінгі салыстырмалы орташа квадраттық ауытқуы.