2020 жылдың 21 ақпанында Мәскеу қаласында стандарттау, метрология және сертификаттау бойынша Мемлекетаралық кеңестің даму Стратегиясының Жұмыс тобының отырысы өтті. Отырыс Техникалық реттеу және метрология федералды агенттігінің алаңында Росстандарт басшысы Алексей Абрамовтың төралығымен өтті.
Отырысқа МАК стандарттау бойынша Бюросы және ТМД атқарушы комитеті, сонымен қатар Армения, Беларусия, Қырғыстан, Молдова, Өзбекстан және Қазақстан өкілдері қатысты.
Жұмыс тобында 2030 жылға дейінгі МАК даму стратегиясының жобасы бойынша ТМД қатысушы-елдерінің стандарттау, метрология бойынша ұлттық органдарының ескертулері мен ұсыныстары талқыланды.Стратегия жобасы бойынша тұрақты дамуды қамтамасыз етуге, өмір сүру сапасын жақсартуға, МАК мүше мемлекеттердің экономикалық әл-ауқатын арттыруға, ғылым мен техниканың заманауи жетістіктерін енгізуге бағытталған стратегиялық міндеттерді іске асыруға қажетті МАК мақсаттары анықталды.
Стандарттаудың басымдықтары мен принциптерін, МАК қызметін кешенді автоматтандыру үшін цифрлық платформаны дамытуды, стандарттардың өзектілігі мониторингінің бірыңғай тетігін құруды, МАК құрылымын жетілдіруді білдіретін стратегияны іске асырудың түйінді көрсеткіштері анықталды.
Қазақстан тарапынан МАК құрылымын өзгерту қажеттілігі туралы ұсыныстар айтылды, мұнда МАК саясатын , МАК миссиясын, пайымдауы мен мақсаттарын айқындайтын ұйымның жоғары органы стратегиялық бағыттар мен бірлескен қызметті басқару және әкімшілендіру мақсатында МАК Кеңесі болуға тиіс. Сол саясатты іске асыруды мемлекетаралық техникалық комитеттер арқылы МАК-қа қатысушы мемлекеттер жүзеге асыруы тиіс.
Бұдан басқа, МАК стандарттары бойынша Бюроның аналитикалық функцияларын күшейту қажеттігі атап өтілді.