2020 жылғы 20 ақпанда Стандарттау жөніндегі ұлттық орган Қазақстандық стандарттау және сертификаттау институтының бас директоры Қайрат Кәрібжановтың басшылығымен аумақтық бөлімшелермен 2019 жылғы қызметінің нәтижелері бойынша селекторлық кеңес өткізді.
Құттықтау сөзінде Қ. Кәрібжанов Институт алдында тұрған 2020 жылға арналған стратегиялық міндеттер туралы айтып, оларды іске асыру үшін одан әрі қажетті іс-әрекеттерге баса назар аударды. Бүгінде стандарттарды талдау мен жүйелеуді талқылауға отандық өндірушілерді тартуға көп көңіл бөлінеді. Институт басшысы филиалдарға келіп түскен ұсыныс-өтінімдерді, оларға түсіндірме жазбаларды алдын ала талдау және оларды Е-жоспарлау жүйесіне енгізу қажеттігін атап өтті. Барлық ұсыныс-өтінімдер стандарттарды әзірлеуге мақсаттылық пен мүдделілікті әзірлеу үшін мүдделі тараптардың өңірлік өкілдерімен алдын ала келісілуі тиіс. Басшы бизнес-қоғамдастықпен ынтымақтастықты күшейту және ұсынылатын қызметтер сапасын арттыру қажеттігіне үлкен мән берді.
Кеңес барысында ағымдағы жылы Институттың ұлттық стандарттарды әзірлеу үдерісінің жаңа моделін анықталғандығы атап өтілді, оның шеңберінде салалық мамандарды тарту мүмкіндігі бар жұмыс тобы құрылды. Бұл модель стандарттау саласындағы заңнаманың барлық қажетті талаптарына жауап беретін қысқа мерзімде сапалы құжатты әзірлеуге мүмкіндік береді.
Сондай-ақ Қ. Кәрібжанов өңірлерде жүргізіліп жатқан жұмыстар туралы есепті тыңдап, жергілікті жерлердегі қазақстандық бизнес-қоғамдастықпен өзара іс-қимылды жетілдіру жөнінде бірқатар ұсыныстар берді.