Стандарттау жөніндегі мемлекетаралық техникалық комитеттердің жұмысын ұйымдастыру жөніндегі жұмыс тобының 8-ші отырысы (МТК ЖТ 8-ші отырысы) және Стандарттау, метрология және сертификаттау жөніндегі Мемлекетаралық кеңестің Стандарттау жөніндегі ғылыми-техникалық комиссиясының 62-отырысы (ҒТК 62-ші отырысы)
Отырыстарға Келісімге қатысушы мемлекеттердің Әзербайжан Республикасы, Армения, Беларусь, Қырғызстан, Молдова, Ресей, Тәжікстан, Өзбекстан, Қазақстаннан стандарттау жөніндегі ұлттық органдарының өкілдері, сондай-ақ ТМД Атқарушы комитетінің, МАК стандарттар бюросының өкілдері қатысты.
МТЖ ЖТ-ның 8-ші отырысында «Жасыл» стандарттар мен балаларға арналған ойыншықтар мен тауарлар бойынша екі жаңа мемлекетаралық техникалық комитетті құру мақұлданды, олардың құрамына Қазақстан толық құқылы мүше ретінде кірді.
Қазақстан «Тігін өнеркәсібі» стандарттауы жөніндегі жаңа мемлекетаралық техникалық комитетін құруға бастамашы болып, «Qaz Textile Industry « Жеңіл өнеркәсіп кәсіпорындарының ұлттық бірлестігі» өзін-өзі реттейтін ұйымның хатшылығын жүргізді, оны МАК-қа қатысушы мемлекеттер қолдады.
Бұдан басқа МТК ЖК қызметі туралы, МТК хатшылықтарын жүргізуді/таратуды беру туралы, МТК ақпаратын өзектендіру туралы, құрылымы ГОСТ 1.4-2020 сәйкес келмейтін МТК сақтау туралы мәселелер талқыланды. Сонымен қатар, МАК стандарттары жөніндегі Бюро МТК қызметінің тиімділігін бағалау нәтижелерін және т. б. ұсынды.
СҒТК 62-ші отырысында 2022-2023 жылдарға арналған мемлекетаралық стандарттау бағдарламасын қабылдау мәселесі қаралды, оның шеңберінде Қазақстан ЕАЭО техникалық регламенттерін іске асыру және Қазақстан экономикасының басқа да басым бағыттарын дамыту үшін әзірленетін ГОСТ-тың 140 тақырыбын жариялады.
Сондай-ақ, мемлекетаралық стандарттау жөніндегі құжаттарды тарату тәртібі туралы, 2021-2025 жылдарға арналған мемлекетаралық стандарттау жөніндегі жұмыстардың басым бағыттарының тізбесін (МСББ 2021-2025) дайындаудың орындылығы туралы, МАК ААЖ-да мемлекетаралық стандарттау жөніндегі құжаттардың жобалары бойынша дауыс беру мерзімдерін сақтау туралы, Тәуелсіз Мемлекеттер Достастығына қатысушы мемлекеттердің Стандарттау, метрология, сапаны басқару және сертификаттау саласындағы кадрларды оқыту, олардың біліктілігін арттыру және қайта даярлау жөніндегі базалық ұйымын құру туралы, 2014 жылғы 24 қазанда қабылданған Тәуелсіз Мемлекеттер Достастығының Электр энергетикалық кеңесі мен Тәуелсіз Мемлекеттер Достастығының Стандарттау, метрология және сертификаттау жөніндегі Мемлекетаралық Кеңесі арасындағы ынтымақтастық туралы келісімді іске асыру жөніндегі 2022 – 2025 жылдарға арналған іс-шаралар жоспары туралы мәселелер қаралды.