2022 жылғы 20 мамырда «Қазстандарт» РМК ҚФ базасында Қарағанды облысы бойынша ТРМКД бірлесіп Дүниежүзілік метрология күніне арналған дөңгелек үстел өтті.
Анықтама: Дүниежүзілік метрология күні 1999 жылғы қазанда ұйымның халықаралық өлшем және салмақ комитетінің (МКМВ) 88–ші отырысында бекітілген халықаралық кәсіби мереке болып табылады.
Метрология ұғымы «Өлшеу туралы ғылым» дегенді білдіреді және 1875 жылы 20 мамырда Парижде он жеті мемлекеттің ғылыми-техникалық ынтымақтастығы туралы Метрикалық Конвенцияға қол қоюмен белгіленді
Осы жылдың ұраны болып – «Сандық дәуірдегі Метрология» тақырыбы таңдалды, өйткені сандық технологиялар біздің қоғамдастықта төңкеріс жасады және бүгінде қоғамдағы ең қызықты тенденциялардың бірі болып табылады.
Іс-шараға 20-дан астам кәсіпорын/ұйым және СРО/ИЛ өкілдері қатысты. Ұйымдастырушылардың сөздерінен кейін сарапшылар пікір алмасып, қызықтырған сұрақтарын қойып, оған толық жауаптар алды.