Қазақстан қаттылықтың эталон өлшемдерін Беларуссияға экспорттауды бастады
ҚР метрологиялық өнімінің халықаралық деңгейге шығуы бойынша маңызды оқиға - ҚазСтандарт алғаш рет Беларусь Республикасына өзі өндірген қаттылықтың эталон өлшемдерін жеткізуге шарт жасасты.
ҚазСтандарт ҚР Үкіметінен елдің мемлекеттік ұлттық метрологиялық орталығы болып белгілегенін атап өту керек.
Металлургия, машина жасау, аспап жасау, энергетика, авиациялық-ғарыш кешені, кеме жасау, құрылыс саласы, ғылыми зерттеулер, бұзбай бақылау — мұнда металдардың қаттылығы сияқты параметрді өлшеу айқындаушы мәнге ие болатын салалардың тізімі толық берілген жоқ.
Өз кезегінде, бұл өлшемдердің дәлдігі көбінесе қаттылықтың эталон өлшемдерімен қамтамасыз етіледі.
Қаттылық өлшемдері ұлттық стандарттарға, ИСО стандарттарына және халықаралық метрологиялық ұйымдардың талаптарына сәйкес көміртекті немесе легирленген болаттан жасалған тікбұрышты немесе дөңгелек пішінді тақташалар түрінде дайындалады.
Метрологиялық қамтамасыз ету – салыстырып тексеру/калибрлеу, сондай-ақ металдар мен қорытпалардың қаттылығын өлшеуге арналған стационарлық және портативті аспаптарды (қаттылық өлшегіштерді) теңшеу мақсатында қолданылады.
Өз кезегінде, осы құрылғылар қазіргі заманғы өндірісте металл өнімдерінің және әртүрлі металл конструкцияларының сапасын, қаттылығы мен мықтылығын бағалау үшін, сондай-ақ өнеркәсіпте – мысалы, құйма бұйымдарды өндіру кезінде, болаттан немесе түсті металл қорытпаларынан жасалған дайындамаларды термиялық өңдеуден кейін технологиялық процестерді бақылау үшін қолданылады.
Отандық қаттылық өлшемдері ұлттық қаттылық эталондарында калибрленеді, олардың өлшеу және калибрлеу мүмкіндіктері халықаралық деңгейде жарияланып, танылды. Мұндай деңгейдегі эталондар санаулы елдерде ғана бар.
Тиісінше, дайын өнімнің сынақ нәтижелерін басқа елдердегі тұтынушылар мойындайды, өнімдердің өзі бәсекеге қабілетті, бұл экспорттау кезіндегі рәсімдерді жеңілдетеді.
Кәсіпорындардың қаттылық өлшемдерін пайдалануға мұқтаждығы тек елде ғана емес, сонымен қатар шетелде де өте жоғары.