Бүгінгі таңда әрқайсымыз карантиннің ықпалындамыз: төтенше жағдай жарияланды, әдеттегі өмір салты мен жұмыс кестесі бұзылды.
Өз жұмысын карантиндік жағдайда қалай дұрыс ұйымдастыруға болатындығын және қажет екендігін Қазақстан стандарттау және сертификаттау институтының Оқу және ғылыми жұмыс басқармасының қызметкерлері біледі және қашықтықтан оқыту форматында өздерінің кәсіби шеберліктерін жетілдіруді ұсынады.
Қашықтан оқытуға көшу қазақстандық мамандарды даярлау мен біліктілігін арттырудың бүкіл жүйесі үшін күрделі мәселе болып табылады, соған қарамастан, онлайн-білім әсіресе карантин кезеңінде көбірек сұранысқа ие болуда. Тыңдаушы онлайн-курсқа Интернетке қол жетімді, кез келген жерден қосыла алады. Бейне дәрістерді тыңдауға, дәріскермен байланысуға - бұл мүмкіндіктер тіпті смартфонда да бар.
Мұны түсіне отырып, Институтқа мекеме мен кәсіпорындардың мамандарынан қашықтағы форматта оқуға өтініштер түсуде. Бүгінгі таңда оқытудың ең танымал және өзекті стандарттары: ГОСТ ISO/IEC 17025-2019 «Сынақ және калибрлеу зертханаларына қойылатын жалпы біліктілік талаптары», ГОСТ ISO/IEC 19011-2013 «Менеджмент жүйесінің аудиті бойынша нұсқаулық». Осыған орай, Институт алғаш рет осы тақырыпта қашықтықтан онлайн режимінде екі күндік оқыту семинарын өткізді.
Нәтижелері бойынша, қатысушылар, семинардың ұйымдастырылуын жоғары бағалады және қашықтықтан оқытудың негізгі артықшылықтарын атап өтті:
• Түрлі платформаларды жүктеудің қажеті жоқ – сілтеме бойынша өтесіз;
• Экранда презентацияны, стандарттардың, құжаттардың мазмұнын көре аласыз;
• Әрдайым дәріскерден кері байланыс бар;
• Білікті дәріскерлер.
www.kazinst.kz сайтында «Оқыту» бөлімінде Институт оқыту курстары мен семинарларын, оның ішінде қашықтықтан оқыту түрлерін өткізетін тақырыптарды таба аласыз. Оқуға арналған өтініштерді kazinst@kazinst.kz электронды поштасы арқылы қабылдаймыз.