Аталған семинарда оқыту болашақта практикада қызмет көрсетуді жақсарту үшін барлық қажетті құралдарды дұрыс және тиімді пайдалануға көмектеседі.
Бесінші жыл қатарынан өткізіліп отырған іс-шараға мемлекеттік органдардан, сынақ зертханаларынан, өнімнің, туризмнің және Көкшетау қаласы мен Ақмола облысының автомобиль жолдарының сәйкестігін растау органдарынан 66 өкіл қатысты. Іс-шара жаңа қашықтық форматта алғашқы рет өткізіледі.
Семинар шеңберінде Қазақстан Республикасындағы стандарттау жүйесі, Еуразиялық экономикалық одақтағы стандарттау жүйесі, сондай-ақ метрология, Техникалық бақылау саласындағы заңнаманың жаңалықтары қаралды. Қатысушылар сертификаттау, менеджмент жүйелері саласындағы жаңа тәсілдемелермен және КО/ЕАЭО техникалық регламентін қолдану ерекшеліктерімен, өнімнің сәйкестігін бағалау бөлігінде Еуразиялық экономикалық одақтың шарттық-құқықтық базасының негізгі ережелерімен, Еуразиялық экономикалық одақтың техникалық регламенттерінің талаптарымен, туризм және автомобиль жолдары қызметтері бағыттары бойынша техникалық регламенттер талаптарының сақталуын мемлекеттік бақылау (қадағалау) бөлігінде танысты.
Тыңдаушылар алдында туризм және автомобиль жолдары саласындағы жетекші сарапшылар, сарапшы-аудиторлар сөз сөйледі. Семинар барысында тыңдаушылар пікір алмасып, белсенді түрде сұрақтар қойды, оларға жауаптар Техникалық реттеу саласындағы практикалық қызметті жүзеге асыруға айтарлықтай көмектеседі.