Бұрын кеңестік стандарттар болған ГОСТ мемлекетаралық стандарттары бүгінде ТМД-ның 12 елі үшін стандарттар ретінде пайдаланылады, сондай-ақ ЕАЭО-ға қатысушы 5 елге қолданылады. Екі түрлі интеграциялық бірлестік - Стандарттау, метрология және сертификаттау жөніндегі мемлекетаралық кеңес пен ЕЭК арасында оларды әзірлеу мәселелері қалай шешілуде, ЕЭК үшін стандарттау бойынша қандай құзыреттер қажет, техникалық регламенттерге стандарттар тізбесін қалыптастырудағы стандарттау жөніндегі ұлттық институттардың рөлі-бұл мәселелер кеңесте талқыланды.
Жоғары Еуразиялық экономикалық кеңес 2020 жылғы 11 желтоқсанда Еуразиялық экономикалық интеграцияны дамытудың 2025 жылға дейінгі стратегиялық бағыттарын бекітті, олар стандарттау жөніндегі іс-шаралар блогын көздейді. Қатысушылар стандарттауда келісілген саясатқа көшуді, стандарттарды әзірлеуді қаржыландыру бойынша тұрақты тетікті енгізуді, ЕЭК пен Стандарттау, метрология және сертификаттау жөніндегі мемлекетаралық кеңес арасындағы ынтымақтастықты және стандарттау саласындағы цифрлық күн тәртібін талқылады.
Қазақстандық тарап Стандарттау, метрология және сертификаттау жөніндегі мемлекетаралық кеңес жұмысы шеңберінде (яғни ТМД-ның 12 елінде) көзделген функциялар мен рәсімдердің қайталануына жол бермеу туралы ұстанымын білдірді және стандарттарды әзірлеуді қаржыландыру бойынша ашық мәселелерді шешуді ұсынды.
Нәтижесінде Кеңес 2 құжатқа - ЕАЭО мүше мемлекеттердің ұлттық стандарттау институттарының бірлескен қызметі туралы келісімге және стандарттарды әзірлеу саласында оны іске асыру жөніндегі іс – шаралар жоспарына қол қойды. Қатысушылардың пікірінше, стандарттау жөніндегі 5 институттың ынтымақтастығы сараптамалық деңгейде тиісті стандарттарды қабылдау және оларды кейіннен техникалық регламенттерге стандарттар тізбесіне енгізу үшін позицияларды қалыптастыруға мүмкіндік береді.
Анықтамалық: 2021 жылы Қазақстан Республикасы ЕАЭО-ның барлық алаңдарында төрағалық етеді. Еуразиялық экономикалық одаққа мүше мемлекеттердің стандарттау жөніндегі мемлекеттік (ұлттық) органдары басшылары кеңесінің төрағасы болып Қазақстан Республикасы Сауда және интеграция министрлігі Техникалық реттеу және метрология комитетінің төрағасы, Кеңес мүшесі – Арман Дәулетұлы Әбенов тағайындалды, ал кеңестің жауапты хатшысы болып Қазстандарт бас директорының орынбасары – Радаев Сергей Юрьевич тағайындалды.
ЕАЭО мүше мемлекеттерінің ұлттық стандарттау органдары басшылары кеңесінің отырысында не талқыланды
2020 жылы 15 желтоқсанда бейнеконференция режимінде ЕАЭО мүше мемлекеттерінің стандарттау жөніндегі мемлекеттік (ұлттық) органдары басшылары кеңесінің 6-отырысы өтті.
15 December 2020