Қазақстан Республикасының маңызды стратегиялық серіктестерінің бірі Қытай Халық Республикасы болып табылады.
Екі ел арасындағы екіжақты ынтымақтастық екі бағытта – сауда және инвестициялар бойынша жүріп жатыр. Қазақстан Республикасының агроөнеркәсіптік кешенін дамытудың 2017 – 2021 жылдарға арналған жаңа мемлекеттік бағдарламасы ауыл шаруашылығы саласындағы ынтымақтастықты жандандырудың драйверіне айналуда.
Қазіргі уақытта Қазақстан Республикасының дамыту институттары бірлескен қазақстан-қытай қайта өңдеу өндірістерін құруға, екі елдің ауыл шаруашылығына инновациялар енгізуге және қазақстандық агроөнеркәсіптік кешен өнімдерін Қытайға экспорттауға ықпал ететін жағдайлар жасауда. Қазақстанда бірлескен қазақстан-қытай агротехнопаркі құрылады, дәнді дақылдарды өңдеудің толық циклі, тұқым шаруашылығы саласындағы технологиялар трансферті, рапс майын, сүтті, етті, қызанақты және басқа да ауыл шаруашылығы өнімдерін қайта өңдеу бойынша жобалар іске қосылады.
Қазақстанның Қытаймен ынтымақтастық мүмкіндіктерінің бірі азық-түлік өнімдерін Қытай нарығына шығару болып табылады. Ол үшін экспортқа арналған тауарларды мақұлдаудың 4 сатылы жүйесі (карусельдегі графика) әзірленді.
Тауар экспортын енгізу тәртібі туралы толығырақ ақпаратты QazTrade сайтынан оқыңыз: https://export.gov.kz/static_page?alias=about_portal