Қазақстан Республикасы Инвестициялар және даму министрлігі 2018 жылғы 27 желтоқсандағы № 931 Өлшем құралдарының типін бекіту және метрологиялық аттестаттау қағидаларына өзгерістер енгізді, бұл өзгерістер енді өлшем құралдарын қашықтықтан сынауға мүмкіндік береді.
«Өлшем құралдарын онлайн сынау тестілеуді ұйымдастыруға кететін шығындарды азайтуға, сапаны бақылау процестерінің тиімділігін арттыруға және нарыққа жаңа өнімдерді енгізуді жеделдетуге мүмкіндік беретін, бизнес үшін қажетті құрал болып табылады», - деп хабарлайды ҚазСтандарт.
Өзгерістерге сәйкес сынау мемлекеттік ғылыми метрологиялық орталықтың орындаушысы мен өлшем құралдарын сынақтан өткізу орнында тұрған өтініш берушінің өкілі интернет арқылы бір мезгілде болған кезде бейнетрансляция түрінде, нақты уақыт режимінде жүзеге асырылады.