Жалпы ақпарат

Қазақстан Республикасы Сауда және интеграция министрлігі Техникалық реттеу және метрология комитетінің «Қазақстан стандарттау және метрология институты» республикалық мемлекеттік кәсіпорны «Қазақстан Республикасы Сауда және интеграция министрлігінің қарамағындағы республикалық мемлекеттік кәсіпорындардың кейбір мәселелері туралы» Қазақстан Республикасы Үкіметінің 2020 жылғы 2 қазандағы № 639 қаулысына сәйкес құрылды. Кәсіпорынның құрылтайшысы Қазақстан Республикасының Үкіметі болып табылады.

Қысқартылған атауы- «ҚазСтандарт» РМК

Кәсіпорын қызметінің мақсаты:

Техникалық реттеу, өлшем бірлігін қамтамасыз ету және стандарттау саласындағы мемлекеттік саясатты іске асыруға қатысу, стандарттау және өлшем бірлігін қамтамасыз ету жөніндегі жұмыстарды үйлестіру;

Техникалық реттеу, стандарттау және өлшем бірлігін қамтамасыз етудің мемлекеттік жүйесін дамыту және жетілдіру жөніндегі жұмыстарды жүзеге асыруға қатысу;

техникалық (эталондық) және нормативтік-құқықтық базаны жетілдіру жолымен республикада өлшем бірлігін қамтамасыз ету;

өлшемдердің дұрыс  нәтижелерін алу үшін ғылыми зерттеулер жүргізу;

кәсіпорындар мен ұйымдарға ақпараттық қызмет көрсету және метрологиялық қамтамасыз ету жөніндегі жұмыстарды жүргізу;

метрология саласында кадрларды даярлау және біліктілігін арттыру;

техникалық реттеу, өлшем бірлігін қамтамасыз ету және стандарттау саласындағы жобаларды басқару және процестерді цифрландыру.​

Кәсіпорын мынадай қызмет түрлерін жүзеге асырады:

негізге алынатын ұлттық стандарттарды, техникалық регламенттерге стандарттардың тізбелеріне өзара байланысты стандарттар ретінде енгізілетін ұлттық және мемлекетаралық стандарттарды және стандарттау жөніндегі ұсынымдарды әзірлеу;

 стандарттау жөніндегі құжаттар жобаларының және оларға енгізілген  өзгерістерді сараптау;

басым салалар бөлінісінде стандарттау жөніндегі құжаттарды талдау және жүйелеу;

стандарттау жөніндегі техникалық комитеттерді құру, қызметін үйлестіру және тарату, стандарттау жөніндегі техникалық комитеттердің құрамы мен стандарттау жөніндегі техникалық комитеттерге бекітілген стандарттау бойынша объектілерді жаңартып отыру;

стандарттау саласында мониторинг жүргізуге қатысу;

нормативтік техникалық құжаттарды және стандарттау жөніндегі құжаттарды, сондай-ақ стандарттар мен каталогтардың ақпараттық көрсеткіштерін ресми шығаруға, таратуға және жариялауға қатысу;

нормативтік техникалық құжаттардың бірыңғай мемлекеттік қорын, техникалық-экономикалық ақпарат сыныптауыштарының депозитарийін, сондай-ақ стандарттау жөніндегі құжаттарды каталогтау жүйесін қалыптастыру, жүргізу және сүйемелдеу;

техникалық реттеу, метрология және стандарттау саласында даярлауды (оқытуды) және біліктілікті арттыруды ұйымдастыруға қатысу;

 Қазақстан Республикасы ұлттық стандарттау жүйесінің тізілімін жүргізу;

Стандарттау жөніндегі ұлттық органның функциясын іске асыру шеңберінде мемлекеттік және өзге тілдерде стандарттау жөніндегі құжаттарды әзірлеуді (оның ішінде аударуды) қамтамасыз ету;

техникалық реттеу және стандарттау саласында ғылыми зерттеулер жүргізу және (немесе) оларға қатысу;

стандарттау жөніндегі халықаралық, өңірлік, шетелдік ұйымдармен, оның ішінде ақпарат алмасу, халықаралық, өңірлік стандарттарды және шет мемлекеттердің стандарттарын Қазақстан Республикасының аумағында тарату және қолдану жөніндегі ынтымақтастық;

Саудадағы техникалық кедергілер, санитариялық және фитосанитариялық шаралар жөніндегі ақпарат орталығының жұмыс істеуін қамтамасыз ету;

ұлттық стандарттау жоспарын қалыптастыру, сондай-ақ оған өзгерістер мен (немесе) толықтырулар енгізу;

Стандарттау жөніндегі ұлттық органның функциясын іске асыру шеңберінде стандарттау жөніндегі құжаттарды баспалық редакциялауды (түзетуді) қамтамасыз ету;

көлік құралының типін мақұлдауды, шасси типін мақұлдауды ресімдеудің, типін ресми бекіту туралы хабарламалардың дұрыстығы мен негізділігіне тексеру жүргізу;

берілген көлік құралының типін мақұлдаудың, шасси типін мақұлдаудың, көлік құралы конструкциясының қауіпсіздігі туралы куәліктердің және «Доңғалақты көлік құралдарының қауіпсіздігі туралы» Кеден одағының техникалық регламентінің (КО ТР 018/2011) талаптарына сәйкестігін куәландыратын құжаттардың күшін жою туралы тіркелген хабарламалардың, сондай-ақ Қазақстан Республикасында жасалған көлік құралдарының құрамдастарына сәйкестік сертификаттарының бірыңғай тізілімін қалыптастыру және жүргізу;

көлік құралдарын дайындаушыларға халықаралық сәйкестендіру кодтарын беру;

ұлттық стандарттарға сәйкес келетін қауіпсіздік көрсеткіштері жоғары өнім өндіруге бағытталған инновациялық және инвестициялық жобаларды әзірлеу арқылы оларды қамтамасыз ету.

өлшем бірлігін қамтамасыз ету саласында ғылыми зерттеулер жүргізу, ұйымдарға, мекемелерге, кәсіпорындарға және басқа да жеке және заңды тұлғаларға ғылыми-әдістемелік көмекті жүзеге асыру;

өлшем құралдарын салыстырып тексеру, калибрлеу және зертханааралық салыстырмалы сынақтарды ұйымдастыру, жүргізу және нәтижесін салғастыруға қатысу;

өлшем бірлігін қамтамасыз ету саласында кадрлардың біліктілігін арттыру және оларды қайта даярлау бойынша жұмыстар жүргізу;

мемлекеттік эталондар мен шама бірліктерінің эталондарын құру, жетілдіру (жаңғырту), сақтау, қолдану және оларға қызмет көрсету;

шама бірліктерінің өлшемін беру жүйелерін құру, шама бірліктерінің мөлшерін эталондардан эталондарға және заңды және жеке тұлғалардың өлшем құралдарына қайта шығару және беру;

өлшем бірлігін қамтамасыз ету саласындағы стандарттау жөніндегі құжаттарды, оның ішінде өлшем құралдарын сынау және метрологиялық аттестаттау бағдарламаларын, сынау жабдығын аттестаттау бағдарламаларын, өлшемдердің белгісіздігін бағалау әдістемелерін әзірлеу және іске асыру;

өндірілетін өлшем құралдарын өндіру, өткізу, өлшем құралдарын жөндеу;

өндірілетін стандартты үлгілерді, аттестатталған қоспалар мен салыстырып тексеру газ қоспаларын өндіру және өткізу;

өлшем құралдарын бастапқы салыстырып тексеру (калибрлеу) нәтижесін тану мақсатында өлшем құралдарын салыстырып тексеру және калибрлеу, сондай-ақ шетелдік метрологиялық ұйымдарды сараптау және зерттеп-қарау;

өлшемдерді орындаудың әдістемелерін метрологиялық аттестаттау, есептік тіркеуді және пайдаланушылардың санына қосуды жүзеге асыру;

нормативтік құқықтық актілерге, техникалық регламенттерге, ұлттық және мемлекетаралық стандарттарға, өлшем бірлігін қамтамасыз ету саласындағы стандарттау жөніндегі құжаттарға, техникалық құжаттамаға (сондай-ақ техникалық құралдардың өлшем құралдарына тиістілігін белгілеу мақсатында), өлшем құралдарын тану мақсатында оларды сынау, типін бекіту, салыстырып тексеру және метрологиялық аттестаттау нәтижесіне, стандартты үлгілердің типін бекіту үшін құжаттамаға, оның ішінде Қазақстан Республикасында қолдануға рұқсат беру мақсатында шетелдік шығарылымға метрологиялық сараптама жүргізу;

шама бірліктерінің эталондарын салғастыруды ұйымдастыру, жүргізу және оған қатысу;

өнімнің, өлшем құралдарының сәйкестігін растау және типін бекіту мақсатында сынау, өлшем құралдарын метрологиялық аттестаттау, бағдарламалық қамтылым мен сынау жабдығын аттестаттау;

Қазақстан Республикасының өлшем бірлігін қамтамасыз етудің мемлекеттік жүйесінің тізілімін жүргізу;

өлшем құралдарын салыстырып тексерушілерді аттестаттау, қайта аттестаттау және олардың сертификаттарын кері қайтарып алу;

салыстырып тексеру таңбаларын дайындауды, жеткізуді және өткізуді ұйымдастыру;

өлшем құралдарын салыстырып тексеру/калибрлеу әдістемелерін, сынау әдістерін сынамадан өткізуді (валидациялауды) жүзеге асыру;

уақыт пен жиіліктің өлшем бірлігін қамтамасыз ету бойынша, уақыт пен жиіліктің эталондық сигналдарына (оның ішінде уақыт пен жиілікті беру және синхрондау) жеке және заңды тұлғалардың қажеттілігін қамтамасыз ету, сондай-ақ Жердің айналу параметрлерін айқындау жөніндегі жұмыстарды орындау;

заттар мен материалдардың физикалық константтары және қасиеттері туралы стандартты анықтамалық деректерді әзірлеуге және енгізуге байланысты жұмыстарды орындау;

шетелдік халықаралық (өңірлік) ұйымдардың жұмыстарына қатысу, оның ішінде Қазақстан Республикасы қатысушысы болып табылатын шарттар, меморандумдар, келісімдер шеңберінде өлшем бірлігін қамтамасыз ету саласындағы халықаралық ынтымақтастықты жүзеге асыру;

сынақ, салыстырып тексеру, калибрлеу зертханаларын аккредиттеуге қатысу, өлшем бірлігін қамтамасыз ету саласындағы кәсіпорындарда өлшемдердің жай-күйін бағалауды жүргізу.