23 Маусым 2026
«ҚазСтандарт» РМК 1 тамыздан бастап салыстырып тексеру және калибрлеу жүргізу үшін өлшем құралдарын қабылдауды уақытша тоқтататынын хабарлайды.
Бұл шешім Институттың Ұлттық биотехнология орталығы ғимаратынан (Қорғалжын тас жолы, 13/5) күрделі жөндеу аяқталғаннан кейін Эталон орталығығимаратына (Мәңгілік Ел даңғылы, 11) көшуімен, сондай-ақ қайта аккредиттеу рәсімінен өтуімен байланысты.
Өлшем құралдарын қабылдау көшу толық аяқталғаннан кейін және аккредиттеу саласының сәйкестігі расталғаннан кейін қайта басталады.
Көшу кезеңінде мынадай мемлекеттік стандартты үлгілердің өндірісі де уақытша тоқтатылады:
• МСҮ рН (1–2 разрядты буферлік ерітінділер);
• сұйықтықтардың меншікті электр өткізгіштігінің МСҮ;
• тұтқырлықтың МСҮ;
• астық ылғалдылығының МСҮ;
• астық және астық өнімдері құрамының МСҮ;
• сұйықтықтардың сыну көрсеткішінің МСҮ.
ҚазСтандарт өлшем құралдарын салыстырып тексеру және калибрлеу кестелерін жоспарлау кезінде, сондай-ақ стандартты үлгілерді қолданумен байланысты өндірістік процестерді ұйымдастыру кезінде осы ақпаратты ескеруді сұрайды.
Өлшем құралдарын қабылдауды және мемлекеттік стандартты үлгілерді өндіруді қайта бастау туралы қосымша хабарланатын болады.
Өлшем құралдарын қабылдауға байланысты мәселелер бойынша қабылдау бюросына жүгінуге болады. Байланыс үшін жауапты тұлға Анар Атешова, телефон: (7172) 79-60-16, электронды пошта: a.ateshova@ksm.kz. Сондай-ақ кеңестерді Жанар Шаймұханбетова береді, телефон: (7172) 79-60-17, электронды пошта: zh.shaymuhanbetova@ksm.kz.
ҚазСтандарт уақытша қолайсыздықтар үшін кешірім сұрайды және серіктестер мен клиенттерге түсіністік үшін алғыс білдіреді.